بلوچستان نا علاقہ نوکنڈی، و پشین ٹی روڈ شکست آتیٹ اِرا بندغ مرگ نا گواچی مسر۔
حوال تا رد ئٹ نوکنڈی کلی غریب آباد ٹی زمباد پک اپ و موٹر سائیکل نا ڈک لگنگ نا سوب آن موٹر سائیکل سوار بندغ مرگ نا گواچی مس۔
گیشتر حوال تا رد ئٹ کلی غریب آباد بائی پاس آ موٹر سائیکل و پک اپ نا ڈک لگینگ نا سوب آن موٹر سائیکل سوار بازار نوکنڈی آن تعلقدار ملا عزیز نا مار نسیم بھاز ٹپی مس ہرادے آر ایچ سی ٹی دوا درمان کننگ آن گڈ دالبندین آ رادہ کننگا ولے او کسر ٹی ساہ تس۔
اندن پین حوال ئسے نا رد ئٹ پشین ٹی روڈ شکست آن اسہ بندغ اس بیران
حوال تا رد ئٹ بلوچستان نا علاقہ پشین ٹی روڈ شکست آن اسہ بندغ ئس بیران مسونے۔ پولیس نا رد ئٹ سہہ شمبے آ پشین نا علاقہ بوستان ٹی کوچ و مزدا نا ڈک لگنگ نا سوب آن عبدالشکور پنی ءُ بندغ اس مرگ نا گواچی مس، پولیس جوْن ءِ تینا دو ٹی ہلنگ آن گڈ ہسپتال آ سر کرے ہراڑے المی کاروائی آن گڈ جوْن خاہوت نا دوٹی تننگا۔ پین کاروائی پولیس کننگ ءِ۔