راجی حوالکاری میڈیا نا سائٹ فیس بک و ٹوئٹر آ درو آن “بولان” آ شاعری نا ٹرینڈ برجاء ءِ۔ ٹرینڈ ئٹ زیات براہوئی بولی نا شاعر آک بشخ ہلیسہ اِرا بند نوشتہ کننگ ءُ۔
دا سما تمتو کہ دا ٹرینڈ نا بناء ہراکان و امر مس ولے مخلوق نا پارہ غان ٹرینڈ بھاز دوست تخنگ نا درشانی مننگ ءِ۔
ٹرینڈ ئٹ بشخ ہلوک منہ شاعر تا شاعری نا رنگ آ دُن ءُ؛
ساز ءِ دل ترخ و نت شپادآتا
جہدئنا ژنگ ءِ دہرہ ئے بولان
مرید بلوچ
ہُو بَہُوجوڑہ سے بلوچی او
ہَفت رنگی کشیدہء بولان
محسن فگار
قول حقیقت ءِ دا خواجہ ناظر نا
“زنــدہ اُن تاکــہ زندہ اے بــولان”
دوستین مراد
روشن او نن کنے نشان اتّک
کنا خن تیٹی سرمہ ءِ بولان
سگار بلوچ
دوک ہنامو بادشاہ نا وڑ
کجلی خنکو سُرمہ ئے بولان
خالدی
شہ مریدآتا ہند او جہہ ءِ دا
ہانلاتا اے قصہ ءِ بولان
سمیع شاکر
قبلہ قلعہ بلوچ ورنا تا
شاعرتا قصیدہ ء بولان
شبیر آجو
شاعراک مون ئٹی نے ارفینو
تپرہ انت قصہ ءِ بولان
مجیب مہر زہری
یا تَجلّی ئے طُور ِ سینا نا
یا پَری سے نا جَلوہ ئے بولان
چاکر زہری
بھاز وئیل ڈُکھ او سَگانے
واھم بُڑز بالاد ءِ بولان
سفرخان زہری
زغم چاپی تا لُڈرہ زغم آک
ساز وختس کے دیرہ ئے بولان
سفیر
مُتكُنے، مُتكُنِنگا مِہر آنبار
گُواڑخ آنبار تازه ءِ بولان
باری آجو
راٸفل بَڈّا ای نا رَکّھے کیوہ
دا سَرمچاری نا وعدہ ۓ بولان
جبران آزاد
کناساه ندر روح قربان اوڑکن
کنا خنتا دیدہ ئے بولان…….
آصفی بلوچ