گلہ نُمے آن
نوشت: مہر مار
دی بلوچستان پوسٹ
گلہ دا سوب آن اف کے ہر ورنا اینو تینا راجی آ فرض ءِ پو مننگ اف یا او توفک ءِ ہرفپک یا توفک نا وزن آن خلیک کہ نوا توفک نا وزن کوپہ ءِ کنا باریفو ءِ گلہ دا سوب آن اف کہ او راج ٸنا رکھ ءِ تِپک گِلہ دا سوب آن اف کے لُس بلوچ بلوچ راجی جُہد ٸٹی ساڑی مننگ اف گلہ دا سوب آن اف کس استاد اسلم نا رند آتے پَٹنگ اف۔
گلہ دا سوب آن ءِ کہ منہ اندنو لغور و خُلوک ءُ بندغ اریر ہرافک ہر وخت دا ہیت ءِ کیرہ کہ بشیر زیب بی ایس او آزات نا ورناتے راجی جوزہ تس ہرا جوزہ نا سوب آن ہر ورنا راج ٸنا مابت ٸٹی ظالم نا سُم تے تینا سینہ غا سہنگ کن بخیرٹ پاریر دن کہ “منظور بلوچ” دا ورنا تیکہ شعر اسیٹی تینا خیال آتا درشانی ءِ دا وڑ کیک ” مرگ ءِ بخیرٹ پارہ خاخر تتون گوازی کیرہ۔۔۔۔ دیر خنانے دونو ابدال دیوانہ” اندن دا ورنا تیکن “بولان نا سیخا” زیبلا شاعر مرید بلوچ تینا خیال آتا درشانی ءِ دا وڑ کیک “امرو یارو زراب آتے شنانو خوش ءُ “
ہیت مننگ ٸس لاشعور انگا سیاسی باسک آتا کہ ہرا تینٹ خُلیس آن دژمن تو اوارو ہرافک ورنا تا دتر تا سودا ءِ خلنگو ہرافک منہ پیسہ کن غُٹ آ راج ٸنا سودا ءِ خلکُنو او ہر وخت اندا ہیت ءِ کیرہ کہ ننا راجی آ لیڈر کامریڈ بشیر زیب تینا راہشونی نا وخت آ لس بلوچ ورنا تے راجی شعور ترسا راج اکن ندر مننگ نا جوزہ تس۔
جذبہ انت ٸسے؟ ننا ملی ٹی دا ہیت اینو اسکان تولنگ اف افسوز مریک ہمو لغور آ سنگت آ تئے ہرا تینے راج ٸنا خذمت کروک پارہ ہرا بلوچ نا رکھ ٸنا ہیتئے کیرہ ولے او تینا زندے راج اکن ندر کننگ خواپسہ ندر تو تینا جاگہ غا داڑسکان کہ دا بی ایس او آزات نا ورنا مطلب۔۔۔ ذاکر مجید، سنگت ثناء، رضا جہانگیر، الیاس بلوچ و ہر ندر مروکا ورنا تا پارہ کہ دا جذباتی مسونو نسخان ارفینو۔
نسخان انت ٸسے نا؟ اول تو دا لغور آ تیان دا سوال مریک نسخان انت ٸسے؟ پدا سوال دا ودی مریک کہ جنگ اٹ مگہ امن مریک؟ افسوز اڑے نا زند آ ہرا تُغ ءِ نی خنانُس او تُغ ءِ بیدس دتر آن خواسہ؟ اسہ کوزہ مروکو راج اس تینا آجوئی کن جنگ کننگ خوائے تو او راج ءِ آجو کننگ نا ایسری کسر دتر شولنگ نا ءِ۔
ذاکر مجید جاگہ اس پاہک دا لمہ وطن اینو واپس دتر خواہک اونا دتر مرے یا دژمن نا دتر ولے دھرتی واپس دتر خواہک۔ ذاکر مجید نا دا ہیت آک غٹ آ راج و تیوہ غا جہان ءِ کلہو تیرہ کہ ہرا وخت سامراج اس نے آ کوزہ کیک تو نیتون ایسری کسر دتر تننگ یا دژمن نا دتر تے شولنگ نا مریک ای تینٹ ہراڑسکان سرپد مریوہ کہ ننے اگہ تینا دا تُغ ءِ پورو کروئی ءِ تو ننے کُل آن مُست تینا سینہ ءِ شہید مجید و ایلو سنگت آتا وڑ توروئی تمو نہ کہ ننے تینے لیپ ئٹی ڈھکوئی تمے ۔
بشیر زیب دیر ٸسے؟ بشیر زیب کنا خواجہ ءِ، بشیر زیب غٹ آ راج ٸنا خواجہ ءِ دا راج ہرا خنتے ٹی آجوئی نا تُغ ءِ خنانے او خنک اندا کنا خواجہ بشیر زیب تون ءُ، بشیر زیب ذاکر نا سیخا، سنگت ثناء نا کوپہ، زاہد نا جغر و رضا جانگیر نا ہمسرے، بشیر زیب تون استاد اسلم نا جوزہ غاکو، ریحان نا ہمت، غٹ آ راج ٸنا درد و اُمیت آکو۔
بشیر زیب ہمو اسٹ انگا راجی راہشون ءِ ہرا اینو دے اسکان تینا ہمو جوزہ غاتون سلوک ءِ ہرا تینا راج ٸتو کروکا وعدہ غاتے برجا تخانے و تینا کسر آ روان ءِ۔ دادے جذباتی آخا بلکہ راج ٸنا عشق پارہ۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔