براہوئی بولی نا پنی آ زانتکار بلوچستان یونیورسٹی نا پروفیسر (ر) ڈاکٹر حمید شاہوانی ناگہتہ کذیت کرے۔
ڈاکٹر حمید شاہوانی نا جہی آ جاگہ مستونگ ءِ، او بلوچستان یونیورسٹی براہوئی ڈیپارٹمنٹ ٹی چیئرمین ام مسونے اندن بلوچستان اسٹڈی سینٹر نا ڈائریکٹر و ڈین آف فیکلی لینگویج ام مسونے۔
ڈاکٹر حمید شاہوانی براہوئی بولی نا استاد اسینا حیثیت ٹی تینا خذمت آتے براہوئی بولی و ادب کن تسونے اندن ادبی تنظیم آتا عہدیدار آتون اوار کہی کتاب آتے ام نوشتہ کرینے۔
ڈاکٹر حمید شاہوانی نا کذیت آ بلوچ ادب تون تفوک آ کہی بندغ آک است ہسونی و افسوس نا درشانی کرینو۔