زاکر مجید اسہ سوچ اس – بجار بلوچ | شہزاد بلوچ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

زاکر مجید اسہ سوچ اس

نوشت: بجار بلوچ | مٹ: شہزاد بلوچ

دی بلوچستان پوسٹ

اینو نن گپ کننگ اُن امو عظیم بندغ نا ہرا پاش وڑٹ نن تون اوار تو اف، زندان آتیٹی ءِ  یا شہید کننگانے ولے فکر تا ابدمان زندہ ءِ و سلو، سنگت نا امو تروکا شعور ہرادے نن اینو سینزدہ سال پد ام یات کننگن و ہر بلوچ ءِ یات کروٸی ءِ، او یخیناً یات کننگن۔

اگہ نن زاکر مجید نا زند آ اسہ نظر اس شاغن تو او ہر جاگہ ہر وخت بلوچستان نا آجوٸی، بلوچ، بلوچی و بلوچیت نا ہیت ءِ کرینے، و اونا تُغ ءِ خناسک کہ ہراتم نن غلامی نا زندگانی آ خلاسی ہلون و سرسہبی نا حصول نا تُغ ءِگدریفون ولے دا تُغ ءِ منہ بندغ گواچن ٸٹ بدل مننگ خنانو۔

زاکر مجید اسہ سوچ ٸسے ہرا لس بلوچ تون اوار ءِ و مرو۔ او چُنک سنی آن تینا کسر ءِ گچین کریسک او جہدوجہد نا کسر ٸٹ بندغ آتے موبلاٸیز کریکہ و اسہ آجو ءُ ریاست ٸسے نا باروٹ پاریکہ۔

زاکر مجید سرپند مسکہ کہ مسلح جہدوجہد ہمو ایسری کسر ءِ ہرادے ہلیسہ جہان نا بھازا راج آک آجوٸی دوٸی کرینو و راجی آجوٸی نا جنگ ٸٹ ہر وڑ ٸنا ویل آتون جنگ کننگ کِن ساندہ کُل ٸنا مونا سلیسکہ و او عملی سیاست آ بھروسہ کریکہ۔

زاکر مجید نا زند انقلاب تون گنڈوک ٸس داتون اوار اوار بی ایس  آزاد نا باسک اس ئس۔ اونا مخلصی نا سوب آن زاکر مجید ءِ واٸس چیئرمین گچین کننگا۔ زاکر مجید بلوچستان نا کُنڈ کُنڈ آ ہناکہ وختس کراچی تو وختس شال وختس تربت تو وختس خضدار و اُرا اُرا ٹی گلی گلی ٹی ہناکہ آزات بلوچستان و بلوچی نا گپ کریکہ۔ او مخلوق ءِ سرپند کریکہ کہ دژمن امر دا ڈغارے ہڑپ کننگ خواہیک، امر ننا ساحل و وساٸل تے لُٹنگ خواہیک ایلو او امر ننا جغرافیہ، پجار، بولی و ننا ربیدگ ءِ چشوک کننگے۔

زاکر مجید بس دژمن آن آجوٸی خواٸسکہ، اندا سوب آن او اخلاقی وڑٹ مزاحمتی و بلوچ سیاست ءِ کمک کریکہ۔ و دانا بھرم ام سماء اس کہ زندان و مرگ ارے ولے اودے دا ہیت ٸنا فکر الو انتئے کہ اونا ارادہ غاک بھلا مش تیان بار سوگو ئسر۔ اوڑکن بلوچ راج آن بھلن ہچ ٸس الو اودے مابت ٸس ہر گڑا غازی، تینا مِش آن و ڈغار آن اونا مش تیان ارا ہزارہ سال آتیان اونا رکھ ءِ کننگ ءِ اودے بھاز جوان سما ٸس کہ دا مابت نا ایسر انت ءِ۔

او بندغ آتے دا باور کننگ خوائسکہ کہ غلامی نا زند گڑاس حد ٸسے اسکان بلوچ راج ءِ سیاسی و سماجی وڑٹ لُٹ پُل نا پارغان دیک او تینا دامون اے مون نا بندغ آتے دا پاریکہ کہ غلامی نا زند آن امر پیش تمنگ کینہ۔ او مخلوق ءِ علم و شعور نا وڑٹ راجی آجوٸی نا پارہ غان دننگ ٸس۔ دا ہمو بندغ آکو ہرا تینا علم و شعور آن آجوٸی نا مشن ءِ تینا راج اسکان سر کریر۔ و دژمن دا اسول خواتواکہ کہ بلوچ راج علم و شعور دوٸی کے، جہان ٸٹ داسکان اخس کوزہ گیر گزرینگانو اوتے دا ہیت ٸنا جوان وڑٹ علم ٸس کہ غلام راج گڑاس خواننگ آن گنڈوک مس تو پگہ دا ننا برخلاف مرور او ہر امو گڑا نا برخلاف بغاوت کریکہ ہرا بلوچ راج ءِ نسخان تننگ اس۔

زاکر مجید ءِ راجی دیوان (قومی پروگرام) تون مابت ٸس، او ہر دیوان آ ہناکہ و تینا آجوٸی نا سبخ تسکہ ایلو او دا کُلہو ءِ لس بلوچ اسکان سر کریکہ کہ اخس ام نوآبادکار مسونو، مظلوم (نوآبادیاتی نظام) نا برخلاف تینا راجی زند نا سوب آن تینا سیاسی مزاحمتی کریکہ، ایلو بحیثیت بلوچ نا ام فرض جوڑ مریک کہ تینا دژمن نا برخیال توار چست کے۔

او اسے اندنو غلامو چاگڑد ئسے آن تعلق تخاکہ ہراڑے ہیت کننگ اسہ غظیم ءُ گناس ئس، او ڈکھ و غم خناسک ایلو نفرت اس غلامی آن و او جہان نا غلام راج آتے دا شعور ءِ تننگ خوائسکہ کہ امر غلامی نا زند آن پیشتمن اسہ آجو ءُ ریاست اس جوڑ کننگ کین، ایلو اندا سبخ ءِ ترسا ترسا پاکستانی آٸی ایس آٸی اودے ہشت جون دو ہزار نو آ زوراکی ٸٹ ارفسا ٹارچر سیل آتیٹی بندی کرے۔

امے دے آن ہلیس اینو دے اسکان ظاہری و ذہنی درد ٸٹ بدل ءِ، سما اف ہرا حالیت ٸٹی ءِ و ہرا بیدادی ءِ سگنگ ءِ، آجوٸی نا کسر ٸٹ او تینا باوہ ایلم و بھاز آ انقلابی سنگت آتے اندا فلسفہ نا سوب آن گوری کرے، دا لس بلوچ آ فرض جوڑ مریک کہ او دا قربانی ءِ مونا دے۔

زاکر مجید نا ہیڑ ماما قدیر تون ہمراہ و دئے سالی آ علی حیدر تو اوڑدہ مرسا جہان نا کُلان بھلا لانگ مارچ شال آن کراچی، کراچی آ اسلام آباد کرے ولے کوزہ گیر داسکان زاکر مجید ءِ یلہ کتو انتکن او خُلیک اونا سوچ آن اونا فکر آن و اونا فلسفہ غان ارا آجوٸی ءِ۔

دژمن کنا خن تے تو کشنگ کیک ولے او کنا امو آجوٸی نا فکر ءِ کشنگ کپک ہرادے ای آزات بلوچستان کن بنا کریسٹ۔


دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔

پُوسکنا حوالک

گوادر ئٹ تراک آن محمد علی جناح نا بُت بُھس

بلوچستان ناشار گوادر ئٹ بمب تراک اسیٹی محمد علی جناح نا بُت بُھس کننگانے۔ حوال تا رد ئٹ تراک اینو...

تہو ئٹی لڑدی آن سال ئٹی 70 لکھ بندغ کہنگ ئٹی ءُ، جہانی ادارہ جانجوڑی

جہانی ادارہ جانجوڑی ( ڈبلیو ایچ او ) پارینے کہ تہو ئٹی لڑدی بندغی جانجوڑی کن تیوہ آتیان بھلا ماحولیاتی خلیس آتیان اسٹ ئسے ...

ماما قدیربلوچ – ٹی بی پی سرگپ

ماما قدیربلوچ ٹی بی پی سرگپ کوئٹہ ٹی یونائیٹڈ بینک ہزار گنجی برانچ نا 69 سال ئنا بینک مینیجر قدیر ریکی نا زند ہموتم تیوہ بدل...

تفتان زیرو پوائنٹ گیٹ 4 تُوہ آن پد یلہ کننگا

حوال تا رد ئٹ تفتان ٹی ٹہیفوک زیرو پوائنٹ گیٹ یلہ کننگانے، چار تو آن زیات وخت آن گڈ تفتان ٹی کاروباری دیات یلہ...

ماشکیل: ایرانی تیل دروک آ گاڑی تیا رکھ، ہزار آ بندغ آتے خواراک و دیر نا کمبوتی

فرنٹیئر کور ( ایف سی) نا پارہ غان سیم آن تہٹی مننگ نا اجازت ملپرنگ آن ایرانی تیل دروک آ گاڑی تا سیم آ...