ماما قدیربلوچ – ٹی بی پی سرگپ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

ماما قدیربلوچ

ٹی بی پی سرگپ

کوئٹہ ٹی یونائیٹڈ بینک ہزار گنجی برانچ نا 69 سال ئنا بینک مینیجر قدیر ریکی نا زند ہموتم تیوہ بدل مس ہراتم اونا ورنا آ مار 13 فروری 2009 آ بیگواہ کننگا۔ دا بھلا سن ئنا بینک مینیجر منہ توہ آن گڈ ریٹائر مننگ ئس ولے اونا مار، پنی آ سیاسی باسک جلیل ریکی نا بیگواہی قدیر ریکی ءِ بلوچستان نا کل آتیان پنی آ انسانی حق آتا باسک ماما قدیر ئٹ بدل کرے۔

ہراتم جلیل ریکی ءِ گمانی وڑ ئٹ پاکستان نا ڈھکوکا ادارہ غاک زوراکی وڑ ئٹ بیگواہ کریر۔ دا اسہ اندنو وخت اس ئس کہ بھلو کچ اسیٹ ہڑدے نا وڑ ئٹ بلوچ سیاسی باسک آتے دزگیر کریسہ بیگواہ کننگاکہ۔ ولے بلوچستان ئٹ برجاء بندغی حق آتا دا لتاڑنگ تا برخلاف اسہ ہم توانا و توار اس ساڑی الو۔ بلوچ آزادی پسند سیاسی جماعت آک بھلو کچ اسیٹی تینا باسک و کہی راہشون آتا زوراکی وڑ ئٹ بیگواہی نا سوب آن زیر زمین ہننگ ئسر و پارلیمانی قوم پرست جماعت آک  بدحالیت آتیان بچنگ کن چپ مسور۔

دا حالیت آتیٹ ماما قدیر و ایلو بیگواہ بندغ آتا خاہوت آک بندغی حق آتا لتاڑنگ نا برخلاف توار ارفنگ نا بڈ ءِ ارفیر۔ بیگواہ بندغ تے مونا ہتنگ کن اوفک تینا کمپین نا بناء ءِ جولائی 2009 ئٹ کرے و 27 ستمبر 2009 غا اودے باقاعدہ تنظیمی و دروشم اس ایتسہ اونا پن “وائس فار بلوچ مسنگ پرسنز” تخنگا۔ دا تنظیم نا راہشونی ءِ اینو اسکان بیگواہ بندغ آتا خاہوت آک کننگ ءُ۔

وائس فار بلوچ مسنگ پرسنز برانز ئنا رد ئٹ 2009 ئٹ علامتی بین ہڑتال نا بناء ءِ کرے، ہرا چار ہزار دے گدرینگ آن گڈ اینو اسکان برجاء ءِ۔ دا بین ہڑتال بلوچستان نا تاریخ نا کل آتیان اثر بٹوکا سیاسی کمپین تیان اسٹ ءِ۔ کوئٹہ پریس کلب نا مونا دا بین ہڑتال نا لگوکا کیمپ، وی بی ایم پی نا تحریک نا پجار و ماما قدیر دروشم اس مس۔ برانز آتیان ہلیس ٹی وی گپ تران آتے اسکان و بلوچستان آن ہلیسہ جینیوا اسکان ماما قدیر ہر دوئی مروکا پلیٹ فارم آ بیگواہ بندغ آتیکن توار ارفیسہ کرینے۔

ماما قدیر نا کریمک جہانی و علاقائی ہڑتوم آ پڑ آتے اسکان اسہ توار اس بش کریر۔ بندغی حق آتا جہانی تنطیم آک بیگواہ بندغ آتا ویل آتیا پامداری ءِ بناء کریر ولے داڑتون اوار ماما قدیر نا سختی تیٹ ودکی بس، اودے تڑی تا رسینگ بناء مس، اودے خلیفنگ کن اخہ وار اوڑا جلہو کننگا، جوفہ تننگا، دا ہم پاننگا کہ او اگہ تینا کریمک تیان دو ارفک گڑا اونا مار یلہ کننگک، اونا سختی تیٹ پین ودفی کن ریٹائرمنٹ آن گڈ اونا پینشن توننگا ولے دا تیوہ سختی تیان بیدس ماما قدیر تینا ہیت آ سلوک ئس۔

24 نومبر 2011 ئٹ ماما قدیر نا مار جلیل ریکی نا سم تیٹ بِروے آ جوْن خننگا۔ اونا مار ئنا خوْنیک دا سرپد مسورہ کہ داڑان گڈ ماما قدیر نا کریمک ایسر مرور ولے مار نا شہید مننگ آن ماما قدیر نا گام آک لرزنگ نا جاگہ غان اونا کریمک آتیٹ پین تیزی ودی مس۔

27 اکتوبر 2013 آ ماما قدیر بلوچ ایلو بیگواہ بندغ آتا خاہوت آتا ہمراہ کوئٹہ آن کراچی و ولدا کراچی آن اسلام آباد اسکان بیگواہ بندغ آتا یلہ کننگ کن اسہ بھاز مرغنو لانگ مارچ ئسینا بناء ءِ کرے۔ بیگواہ بندغ آتا عکس و معلومداری، پلے کارڈز اسہ دو گاڑی آ ہرفوکا دا لانگ مارچ 2800 کلومیٹر نا فاصلہ ءِ پیدل ارفے۔

ماما قدیر نا رد ئٹ 2009 ئٹ او ایلو خاہوت آتون سوغند ہرفیسس کہ اگہ اونا مار یلہ کننگک گڑا او ہموتم اسکان تینا برانز ءِ ایسر کپک ہراتم اسکان گڈیکو بیگواہ بلوچ یلہ کننگپک۔ او تینا سوغند آ 13 سال گدرینگ آن گڈ سلوک ءِ۔ اونا برانز و وائس فار بلوچ مسنگ پرسنز نا بین ہڑتالی کیمپ دا نوشت وخت اسکان سلوک ءِ۔

اینو ماما قدیر 81 سال نا اسہ پیر ءُ بندغ ئسے ہرا دوائی تیان کمک ہلوک ءِ و اسپتال نا ہننگ ہڑدے ئی ءُ گڑاس جوڑ مسونے ولے سن و صحت اونا کریمک و بیگواہ بندغ آتے یلہ کننگ نا جوزہ ٹی ہچو کمبوتی اس ہتنگ کتور۔ اسپتال ئٹ شام آتے گدریفنگ آن گڈ او مچٹ جوڑ مریسہ واپس بیگواہ بندغ آتا کیمپ نا راہشونی کن سر مریک۔ او دا پارینے کہ ہراتم اسکان او زندہ ءِ، او تینا توار ءِ ہرفیسہ کرو و اونا کذیت بیگواہ بندغ آتا کیمپ ئٹ مرو۔

پُوسکنا حوالک

نن سر سہب مرون _ درناز رحیم

نن سر سہب مرون نوشت: درناز رحیم کنے اُرے تمنگ ئس، اینو کنا اکیڈمی نا اولیکو دے ئس و ای خواہتوٹہ...

ایران : مہسا امینی خون، پولیس و برانز کروک آتا جھڑپ آک، 50 بندغ مرگ نا گواچی

ایران ٹی حجاب وے کننگ آ دزگیر کروک مسڑ مہسا امینی نا خون آن گُڈ برجاء چک و تاڑ آتیٹ مرگ نا گواچی مروک آتا کچ 50 مس ۔  پولیس نا کریک ڈاؤن و بے دادی ٹی مرگ نا گواچی مروک آتا کچ 50 مس، مرگ نا گواچی مروک آتیٹ 5، سیکورٹی کارندہ ہم اوار ءِ۔  ہفت دے آن برجاء برانز آتا نیام ئٹ جتاء شار آتیٹ انٹرنیٹ کاریم بند ءِ و بے دادی آن زیات زیمی مروک علاقہ آتیٹ سیکورٹی کارندہ آتاکچ زیات کننگانے۔ ایران نا صدر ابراہیم رئیسی مہسا امینی نا خون نا سوب آتے چاننگ کِن پٹ و پول نا حکم تننگا ۔  ایرانی پولیس 22 سالہ مہسا امینی ءِ حجاب وے کننگ آ دزگیر کریسس و مُسہ دے آن گُڈ طبیعت نا خراب مننگ آ اسپتال آ دننگا ہراڑےاو 16 ستمبر آ مرگ نا گواچی مس، ایرانی پولیس مہسا امینی آ بے دادی کننگ نا دوبہ خلیسہ دعویٰ کریر کہ مہسا امینی ءِ اُست نادورہ مننگ نا سوب اسپتال آ دننگاسس ہراڑے او پدا جوان متو ۔  ایران پولیس نا دزگیری ٹی جتاء علاقہ آتیٹ برانز برجاء ءِ ہرانا وخت سیکیورٹی فورسز کارندہ آتا کریک ڈاؤن ٹی زیات بندغ مرگ ناگواچی مسونو ۔  ایلو پارہ غان بندغی حق آتا ادارہ ایرانی حکومت آ برانز نا برخلاف بے دادی تے توننگ کِن زور تِس۔ سی ایچ آر آئی اسہ بیان ئٹ پارےکہ حکومت نا پارہ غان برانز آ سُم کاری و آنسو گیس نا زریعت ئٹ پاش کننگ ءُ ۔ 

حب: روڈ شکست ٹی پنچ بندغ بیران و ٹپی

بلوچستان نا صنعتی شار حب چوکی ٹی مروک اسہ کسر  شکست ٹی اِرا بندغ بیران اندن مسٹ ٹپی مسونو ۔  کسر شکست حب چوکی نا علاقہ بھوانی نا ہند آ مس ۔ ہراڑے کار اُلاخ و ٹرک ئٹ دک لگا ۔  ذرائع تا ردئٹ کار اُلاخ ٹی مروک اسہ بندغ ئس ہمو وخت بیران مس ، اوکان گُڈ ٹپی مروک و جون آتے حب چوکی سول اسپتال آ دننگا ۔  یاتی مرے کہ بلوچستان ٹی مروک روڈ شکست آتیٹ دے پہ دے نا بنیات ئٹ بھاز آ بندغ آک ٹپی مریرہ ۔ تدوکا دے تیٹ کسر  شکست ٹیبلوچستان اسمبلی نا اسہ باسک ئس ہم اندا کسر  شکست آتیٹ بھاز ٹپی مسس ۔

کابل ٹی تراک، ہفت بندغ کسکر

افغانستان نا دارالحکومت کابل مسجد ٹی تراک آن ہفت بندغ مرگ نا گواچی و بھاز  بندغ ٹپی مسونو ۔ پیشن ملکی حوال تِروک ایجنسی نا...

مہسا امینی نا خون ، تیوہ ایران ٹی برانز برجاء

ایران ٹی پولیس نا دزگیری ٹی ورنا نیاڑی نا مرگ نا گواچی مننگ آ تیوہ ایران ٹی چارمیکو دے ہم برانز برجاء ءِ دا...