اَرفبو کسر ءِ ثانی مجید اسینا
بنبو کُوک ءِ ہانی مُرید اسینا
عقلِ کیرہ حیران گروکی شمبلاخ
صدخئی ورناتا فرید اسینا
ہلیک دُروت چِٹ ءِ پاہو نا
کیک وَرنا بشخندہ حمید اسینا
ڈُکھ و ویل آتا مر نی سیبو
خڑینکی آ خنتا ہیڑ اسینا
تُولوک کسر آ خنتوں بے وسا
لُمہ ذاکر مجید اسینا
خل گام کر نی ہمراہی
راجی لشکر ءِ اُمید اسینا
اَمیل اٹ تف مُخے نی
دلیر و ٹک تیر اسینا
سُرونز ءِ ساتکی ءَ ساز اَتوں
کَر ثنا ءِ نی بہار اسینا
سَلیپہ گلی ءَ خنتو پِیہُنا
بے معیار تولئی و میر اسینا
پِرغیپہ نی حوصلہ تے
وارث آتا شہید اسینا
وَڑپک نے یخ گَر سیخا تلار اسینا
سَلپہ گُڈا نی مُونا کوہ مزار اسینا
مزار بلوچ
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔