پاکستان ٹی جہانی دین کورونا آن پین 46 بندغ مرگ نا گواچی مسر و 1664 پوسکنو کیسز ہم رپورٹ مسونے پاکستان ٹی کورونا نا حساب ءِ پاروک آ ویب سائٹ نا رد ئٹ تدوکا بیست و چار گھنٹہ نا نیام ئٹی تیوہ آ پاکستان ئٹ کورونا نا 51 ہزار 796 ٹیسٹ کننگانے۔
ہرافتیٹ 1664 بندغ ٹی وائرس پک مس اندن وائرس آن 46 بندغ مرگ نا گواچی مسر، سرکاری پورٹل نا رد ئٹ ملک ئٹ تدوکا 24 گھنٹہ نا نیام ئٹی کورونا نا مثبت کیس آتا 21 -3 فیصد مس۔
اندن سرکاری پورٹل نا رد ئٹ ملک ئٹ کورونا آن کہوک آتا کچ 27 ہزار 831 مسونے و جمعی کیس آک 12 لکھ 40 ہزار 202 اسکان سر مسونو، داکان بیدس بیست و چار گھنٹہ نا نیام ئٹی تیوہ آ پاکستان ئٹ 2847 ناجوڑی کورونا آن درواخ ہم مسونو، ہرڑان گڈ جمعی وڑ ئٹ درواخ مروکا تا کچ1 لکھ 73 ہزار 437 مسونے اندن فعال کیس آتا کچ 46934 ءِ۔