بلوچستان نا علاقہ حب و اوتھل ئٹ ارا جشوک ءُ جون خننگانے۔
حوال تا رد ئٹ اوتھل نا مشی آ علاقہ کھرڑی آن اسہ جون اس خننگانے، اندن ریسنگوگ جون ئنا چائنداری محمد عمر جاموٹ نا پن ئٹ مسونے۔
گیشتر حوال تا رد ئٹ خننگوک آ جون ابو ہوٹل نا ہندی ئس پاننگک، مرگ ئنا سوب آک داسکان سماہ تمتنو جون سول ءِ ہسپتال اوتھل ٹی ڈاکٹرز آک معائنہ کننگ ءِ۔
اندن پین حوال ئسے نا رد ئٹ تدوکا دے حب ندی نا بوچ آتیان نا دروست بندغ ئسے نا منہ دے مست ئنا جشوک آ جون اس خننگانے، و حب اسپتال آ سر کننگ آن گڈ ایدھی سرد خانہ سہراب گوٹھ کراچی آ سر کننگانے۔
دا رد ئٹ ایدھی رسینگوک حوال تا رد ئٹ چار شمبے آ نا دے اسہ حوال اس رسینگتون ایدھی رضا کار آک ساکران لاسی فارم ہاوس آن متصل حب ندی نا کنڈا بوچ آتیٹ منہ دے مست ئنا اسہ نا درست ءُ بندغ ئسے نا جشوک ءُ جون اس خنیسہ جام غلام قادر گورنمنٹ اسپتال حب آ سر کننگ آن گڈ ایدھی یخ خانہ سہراب گوٹھ کراچی آ سر کننگانے، داسکان جون ئنا چائنداری مننگ کتنے۔