بلوچستان نا ضلع کیچ نا علاقہ ڈنڈار کولواہ نا لس مخلوق نا پارہ غان یوفون و زونگ نا انٹرنیٹ بند مننگ نا برخلاف اسہ دپ درشانی اس کشینگا، برانز ٹی استاد، خوانندہ غاک و جتا زند ئنا ہر بشخ مخلوق اوار مسر۔
دا وخت آ برانز کروک آک ہیت کریسہ پاریر کہ اینو پگہ نا جہان انٹرنیٹ نا سوب ان اسہ گلوبل ولیج اس جوڑ مسونے ولے ننے داسا ہم گمان مریک کہ نن جہان نا پد اُن و قبل مسیح ٹی زند کننگ ان۔
او پاریر کہ اینو جہان انٹرنیٹ نا سوب آن بھاز چسپان و ماڈرن مسونے و دیمروی کروک آ ملک آتیٹ 5g بسونے ولے اینو نن دنکہ 2g یا 3g کن سکینا۔
او پین پاریر کہ اینو تعلیم انٹرنیٹ نا کمک ئٹ خوانفینگک و گڑاس ملک آتیٹ آن لائن کلاسز مننگ ءُ ولے نن داسکان تینا خوانندہ تے بیدس انٹرنیٹ نا سوب آن مست ئنا گڑا تیان چس ہلنگنگ ان۔
دا وخت آ طالب علم آک پاریر کہ تعلیم تون اوار اوار انٹرنیٹ ہم ننا اسہ بنماسی آسراتی ئسے، ہراڑان ننے بے ونڈ کننگ ءُ ہرا ننا زی آ بھاز بھلو بے انصافی ئسے، اینو جہان بھاز مونی ہنانے ہرانا سوب انٹرنیٹ بلکن ننا انٹرنیٹ بند کننگانے ۔
ایسری ٹی ڈنڈار کولواہ نا مخلوق وزیر اعلیٰ بلوچستان آن خواست کریر کہ ننا انٹرنیٹ بند کننگ آ ایکشن الے و اودے ملیر۔