بلوچستان نا علاقہ خضدار، و ہرنائی ئٹ روڈ شکست نا جتا ویل آتیٹ چنا تو اوار اسہ بندغ اس مرگ نا گواچی، اندن اسٹ ٹپی مسونے۔
حوال تا رد ئٹ خضدار آن کوئٹہ آ ہنوک کار گاڑی مستونگ ٹی ویل ئنا گواچی مس ہرانا سوب آن اسہ بندغ اس مرگ نا گواچی و اسٹ ٹپی مسونے۔
گیشتر حوال تا رد ئٹ مستونگ ایریا ٹی خضدار آن کوئٹہ نا پارہ غا ہنوک کار گاڑی روڈ شکست نا گواچی مس ہرانا سوب آن یونس زنگیجو بیران اندن مسکوئی زکواۃ آفیسر خضدار عبدالحمید کرد بھاز ٹپی مسونے ہرا ہندی اسپتال آ سر کننگانے۔
اندن پین حوال ئسے نا رد ئٹ ہرنائی نادرا سنٹر نا مونا اسہ نادرست ترند ہنوک کار ئنا ڈک خلینگ نا سوب آن شاہرگ آن باوہ لمہ تون اوار ہرنائی آ بروک چنا ہند آ مرگ نا گواچی مسونے۔
گیشتر حوال تا رد ئٹ ڈرائیور گاڑی تون اوار نرانے اندن چنا نا جون ہسپتال آ سر کننگانے ہراڑے المی کارروائی آن گڈ خاہوت نا دو ٹی تننگا۔