نیشنل ڈیموکریٹک پارٹی نا بنجائی راہشون زوراٹ بیگواہ کننگانے، پارٹی ذمہ وار آک حوال ءِ پک کریر۔
زوراٹ بیگواہ مروکا بندغ نا چائنداری جمعہ خان نا مار ڈاکٹر محمد جمیل جلیانی کھیتران نا پن ئٹ مسونے ہرادے بلوچستان نا علاقہ بارکھان آن اونا دفتر آن بیگواہ کننگا۔
این ڈی پی ڈاکٹر جمیل نا زوراٹ بیگواہی ءِ پک کریسہ پارے کہ ڈاکٹر جمیل ءِ نادرست بندغ آک اونا دفتر آن دزگیر کریسہ تینتون اوار دریر ہراڑان گڈ اونا رد ئٹ ہچ وڑ ئنا حوال رسینگتنے، او پارے ڈاکٹر جمیل نا یلہ کننگ ءِ یخینی کننگ نا خواست کینا۔
پولیس ءِ پن کروک ڈاکٹر نا زورٹ گم کننگ نا رپورٹ رسینگا ہراڑان گڈ ایف آئی آر نوشتہ کننگانے، پولیس نا پاننگ ءِ کہ دا رد ئٹ پین کاروائی عمل ٹی ہنتگو و اگہ مونی دا رد ئٹ سرسہبی دوئی بس گڑا خاہوت ءِ حوال ترون