حوال تا رد ئٹ بلوچستان نا ضلع خضدار ئٹی درو ننکان نادرست ءُ بندغ ہندی سڑدار نا اُرا آ جلہو کرینو۔
جلہو خضدار نا علاقہ زہری چشمہ نا ہند آ مسونے۔ ہندی حوال تا رد ئٹ درو ننکان 40 :1 منٹ آ زہری چشمہ ثمری ٹی نادرست ءُ سلاء بند بندغ حاصل خان جتک نا اُرا نا چارمہ کنڈ آ جلہو کریسہ سُم کاری کرینو۔
حوال تا رد ئٹ اسہ گھنٹہ اسکان ہڑتوما کُنڈ آن سُم کاری برجاء مسوسس، اندن دا نیام ئٹ راکٹ آتے ہم آزاتی ئٹ کاریم ئٹ ہتنگاسس۔
تدینی ٹی ہچ وڑ ئنا جانی نسخان نا حوال رسینگتنے ولے حاصل خان جتک نا اُرا ءِ نسخان مسونے و تدینی نا سوب داسکان سما اف۔