چار شمبے نا دے بلوچستان نا دریابی شار گوادر نا تحصیل جیونی نا علاقہ کنٹانی ھور نا ہند آ ٹہیفوک ڈیزل و پٹرول نا کہی کہیڈپوک خاخر ہلکر۔
ذرائع تا رد ئٹ خاخر اسہ شابیت علاقہ سے تینا پلویڑ ئٹ ہلکنے۔ خاخر ہلنگ نا سوب آن کہی ڈپوک بھس مسر اندن خاخر نا سوب آندریاب نا کرک آ ساڑی کہی کشتیک ہشنگیسہ ہس مسر۔
فائر برگیڈ نا اُلاخ تا مفننگ نا سوب آن خاخر پین تالان مننگ ءِ۔ بنائی حوال تا رد ئٹ داسکان خاخر لگنگ نا سوب آک سماء تمتنو۔
ڈپٹی کمشنر گوادر عزت نزیر بلوچ جاگہ آ رادہ مسنے۔ بنائی وڑ ئٹ جانی نسخان نا ہچو حوال رسینگتنے۔
کنٹانی ھور ایران نا سیم آن خڑک تیل نا ہلنگ و بہا کننگ نا اختہ ءُ پوریائی بنجاہ ئسے ہراکان ہڑدے لکھ آتیٹ بیرل تیل بلوچستان توناوار پاکستان آ رادہ کننگک۔