بلوچستان نا ضلع پنجگور ٹی نادرست بندغ آک سم کاری کریسہ پنجاب نا ہندی ئسے مرگ ئنا گواچی کریر ہرا نا چاہنداری اللہ ڈتہ نامار اسماعیل ہند چاہ پپلی والا لودھراں پنجاب نا پن ئٹ مسنے۔
علاقئی حوال تا رد ئٹ پن کروک بندغ کالج روڈ آ ٹہیفوک نائی نا دکان ئسے آ کاریم کننگ ئس او وخت خڑک نا گیٹ آن دیر ہتنگ کنہناسس و دیر ہتیسہ بننگ ئس کہ اودے سم کاری کریسہ مرگ ئنا گواچی کننگا، اندن اونا جون ءِ ٹیچنگ اسپتال آ دننگا و المی کاروائیآن گڈ جون ءِ اونا علاقہ آ رادہ کننگا۔
ایلو پارہ غان بلوچستان لبریشن فرنٹ نا ترجمان میجر گہرام بلوچ میڈیا آ شینک کروک بیان اسیٹ پن کروک جلہو نا ذمہ واری ءِ ارفیسہپارے کہ پنجگور نا علاقہ چتکان ٹی ریاستی ایجنٹ ءِ سم کاری کریسہ مرگ ئنا گواچی کرینن۔
او پارے کہ ننا سرمچار آک پنجگور نا علاقہ چتکان ٹی کالج روڈ آ اللہ ڈتہ نا مار اسماعیل ہند چاہ پپلی والا لودھراں پنجاب ءِ سم کاریکریسہ مرگ ئنا گواچی کریر۔
ترجمان پارے کہ پن کروک بندغ پاکستانی لشکر نا ایجنٹ ئس اس، ہرا نائی نا دروشم ئٹ دکان ئسے آ کاریم کننگ ئس۔ پنجگور آن مالواو منہ وخت گوادر و تربت ئٹ ہم کاریم کرینے۔ سرمچار آک اوڑا چرجوئی ئٹ نظر تخاسر و اونا پد رند ئٹ ئسر کہ او دکان آن پیشتمےہموتم اوڑا جلہو کین تاکن بے ڈوہدار تے نسخان رسینگپ۔ ریاستی ایجنٹ ننا سرمچار تے خنیسہ نرّنگ نا کوشست کرے، سرمچار آکسم کاری کریسہ اودے مرگ ئنا گواچی کریر۔
میجر گہرام بلوچ پارے کہ قوضہ مروک بلوچستان نا آجوئی اسکان پاکستانی لشکر و اونا مخبر و آلہ کار تیا ننا جلہوک برجا مرور۔