چار شمبے نا نن بلوچستان نا ضلع کیچ نا علاقہ تمپ آن اسہ پیر ءُ بندغ ئسے پاکستانی لشکر زوراکی ئٹ بیگواہ کرینے۔
حوال تا رد ئٹ غلام ولد نذر محمد پنی ءُ بندغ ئسے پاکستانی قانود ٹہیفوک ادارہ تا کارندہ غاک تمپ نا خلق گومازی ٹی چھاپہ نا وختزوراکی ئٹ بیگواہ کریر ہرا نا باروٹ داسکان ہچو حوال ئس رسینگتنے۔
خن خنوک شاہد آتا رد ئٹ 20 اُلاخ آتیٹ فوجی قافلہ خلق ئٹ پیہا و فوجیک ہر اُرا ٹی پٹنگ نا کاروائی کریر، اُرا ٹی ساڑی زالبول و چناتیا بے دادی کریسہ پن کروک بندغ ءِ ارفیسہ تینتون دریر۔
ہندی بندغ آک زالبول و چنا تیا بے دادی آ خُلیس نا درشانی کریسہ پاریر کہ فورسز آک پن کروک بندغ ءِ علاقہ ٹی تینا بنجائی فوجیکیمپ آ درینو۔