بلوچستان یونیوسٹی خاران کیمپس نا ویل آک ایسر متور

بلوچستان یونیورسٹی نا کیمپس ئٹ شعبہ آتیٹ ودکی مفننگ نا سوب آن مخصوص شعبہ آتیٹ داخلہ آتا خوانندہ آک ایلو صوبہ آتیاہننگ آ بیوس ءُ۔

بلوچستان یونیورسٹی خاران کیمپس نا ویل آک داسکان ایسر متور، خاران نا زالبول و نرینہ خوانندہ آتا ترند برانز آن بیدس یونیورسٹینا بحالی آ ہچو سوبر ءُ گام ارفنگ متنے۔

بلوچستان نا خوانندہ آک یونیورسٹی نا ویل آتا برخلاف ٹوئٹر آ “#SaveUOBSubCampusKharan “ ہیش ٹیگ تون ہفتہ نا دےکیمپئن چلفیر–

خاران نا خوانندہ آک یونیورسٹی سب کیمپس خاران نا بد حالی نا ذمہ وار ایچ ای سی و پروجیکٹ ڈائریکٹر ءِ پاریر، خوانندہ آتا رد ئٹایچ ای سی نا بے پامی و مالی بے ضابطگی تا سوب آن اینو یونیورسٹی سب کیمپس نا استاد آک رہائش و خوانندہ آتے ہاسٹل ناآسراتی و ایلو بنماسی آسراتیک ہم دوئی افس۔ بیرہ مُسہ بدحال کلاس روم ءُ–

خوانندہ آتا خواست ءِ کہ سب کیمپس ئٹی پوسکنو ڈیپارٹمنٹ جوڑ کننگ مرے و خوانندہ آتا بنماسی آسراتی تے ہم منکن کننگ مرے۔

یونیورسٹی کیمپس نا بدحالی نا برخلاف داکان مُست ہم خوانند، سیاسی تنظیم و لس شاری تا کنڈ آن باز بھلو کچ اسیٹ دپ درشانیکننگا و شاریک برانز ریکارڈ کرفیسہ یونیورسٹی نا بحالی نا خواست کریر–

شاری تا پاننگ ئس کہ خاران ئٹی تعلیمی ادارہ آتا نیستی ءِ، دانگان نا خوانندہ آک کوئٹہ، کراچی، و پنجاب آ ہننگ آ بیوس ءُ و باز آورناک مُر مُر ئنا علاقہ آتیٹ تعلیمی خرچہ آتے برداشت کننگ کپسہ، علاقہ ٹی تعلیمی ادارہ آتا بحالی نا جاگہ غا ہرا تعلیمی ادارہ آکاریر ہموفتے ہم بند کننگ ئٹی ءُ ہرا پاش تعلیم دشمن عمل ئسے–

شاریک خواست کریر کہ رخشان یونیورسٹی آف خاران ہرا نا قرار داد صوبائی اسمبلی آن پاس مسنے نا دمدستی نوٹفکشن نا اجراءکننگ نا خواست آک پورو مفننگ نا دروشم ئٹ خاران نا خوانندہ آک و الس تینا برانز ءِ ودفو۔