بلوچستان نا بنجائی شار کوئٹہ تون اوار ایلو علاقہ تیٹ چلہ نا بننگ تون گیس لوڈشیڈنگ تون اوار گیس لیکیج نا سوب آن تدینیک ہماسہ وڑ مونا بننگو۔
کوئٹہ ٹی گیس تراک ئٹ چار بندغ ہشنگسہ ٹپی مسر۔
شابیتی حوال تا رد ئٹ کوئٹہ نا علاقہ پشتون آباد ئٹ گیس لیکیج نا سوب آن تراک ئٹ 4 بندغ ٹپی مسر، ٹپی مروک آتے سول اسپتال آدننگانے۔
یاتی مرے کہ کوئٹہ تون اوار بلوچستان نا جتاء علاقہ تیٹ یخ آتا وخت آ گیس پریشر ئٹ کمبوتی و بند مننگ نا سوب آن دا وڑ ئنا تدینیکمونا بننگو۔
بلوچستان ئٹ یخ آتا مُد ئٹی گیس لیکیج و تراک آتیان تدینیک ہڑدے مونا بریسہ ءُ ہرانا بنداوی سوب آتیان اسٹ گیس پریشر ئٹ کمبوتیتون اوار بندغ آتا بے پامداری ہم اوار ءِ۔