عمل
نوشت: سنگت طلحہ بلوچ
دی بلوچستان پوسٹ
عمل اسہ ہندنو گڑا ئسے ہراڑان بید زند تدینگ کپک، بیدس عمل آن بندغ کر، کور و گنگ ئنا مثال ءِ۔ ہندن اگہ خواننگ آن ننے عمل اف یاہندن تینا خنتا مون آ ہڑدے نا گر و پانچ آ تے خننہ، کننگ ہچ کپنہ یعنی ننے عمل اف۔
کل آن اولی مثیل ہندادے کہ اسہ گڑا سے خننگ اُن بِننگ اُن یا خواننگ اُن اگہ دافتے آ عمل مف گڑا بے فائدہ ءُ انتئے کہ جہان ئٹ ہچودنو گڑاس متنے ہرا بید عمل آن سرسہب مسونے یا بیدس عمل آن او گڑا وجود ئٹ بسنے۔
ہندن بندغ نا وجود کن کل آن جوان انگا گڑا عمل ءِ عمل مس ہچو گڑاس سخت مفک، و بندغ تینا وجود ءِ اسہ ہندنو جاگہ سے آ سر کیکہرادے مچا جہان منیک۔
ہندن اگہ ہرا بندغ ئٹ عمل متو گڑا ہندن لگک اود ہچ کننگ نا لائخ اف، اودے سرپد کننگ و اودے سودا مروکا کسر تے آن توننگ ہچ مفک واود ہیل کننگ کپک۔ اسہ گچین ءُ جاگہ ئس سر مننگ کن کل آن المی آ گڑا عمل کننگ ءِ اگہ عمل مس گڑا جہان ئٹ ہچو گڑاس کننگ ناممکن اف۔
اسہ عمل کروک آ بندغ ہزار آ بنوکا و سوچوکا بے عمل آ بندغ آتیان سد در سد جوان ءِ۔اگہ نن اسہ مثیل ئس ہرفن ہمو سنگتاک ہرافکتینا مزل آ سر مسنو ہرافک تینا کسر ئٹ سر سہبی خنانو، ہر سرسہب آ بندغ نا پند، خید، خواری و دمدری نا پدٹ عمل نا بھاز بھلو دوئس ارے۔
ہندن استاد پاہک کہ اسہ گڑا سے کننگ کن بیرہ بنپن و سوچپن بلکن دافتے آ عمل کین۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔