بلوچستان نا ضلع آواران ئٹ نوکاپ نا دیر اسہ گاڑی ئسے درے ہراڑان ہشت بندغ کسکر۔
تدینی تحصیل جھاو نا ہند سیڑھ ڈور ئٹ مسونے ہراڑے استو گاڑی ئسے پِر تیان گڈ دیر درے۔ علاقائی حوال تا رِدئٹ گاڑی ٹی سوار ہفتبندغ کسکنو ہرافتا جوْن تے جھاو بنجا ہسپتال آ سر کننگانے۔
حوال تا رِدئٹ اسہ چُنا اس دائسکان بیگواہ ءِ ہرانا بابت معلومداری اف کہ او زندہ ءِ یا کسکنے۔ کہوک آتا تعلقداری سوراب ضلعخضدار آن پاننگک۔
درو بلوچستان نا کہی علاقہ آتیٹ پِر بناء کرے، بھازا علاقہ آتیٹ شنزہ و ترونگڑ نا رِد برجاء مس۔ ضلع آواران ئٹ بھلو کچ اسیٹ ترونگڑو پِر نا احوالک درو بیگہ آن بسر۔
محمکہ مُد ئنا رِدئٹ بلوچستان نا کہی علاقہ آتیٹ اینو ہم پِر ئنا گمان ءِ۔