ایران ئٹ زمی جمب آن 82 بندغ ٹپی

الّمی خوانبو

اینو سہب ئنا مروک زمی جمب نا چنڈیک ترکیہ نا شار حقاری و وان ئٹ ہم مارنگار۔

ایران نا دے کہی آذربائیجان صوبہ تون گنڈوک حوئے شار ئٹ مروک زمی جمب آن 82 بندغ ٹپی مسر۔

دے کہی آذربائیجان دفتر گورنر کرائسز مینجمنٹ نا جنرل مینیجر امیر عباس جعفری میڈیا ءِ تینا بیان ئٹ پارے کہ خوئے شار ئٹ 5.6 ترندی نا زمی جمب آن خوئے و سلماس شار تیٹ کیہی ماڑی تے نسخان رسینگانے۔

او پارے کہ زمی جمب خوئے و سلماس شار تیٹ 82 بندغ نا ٹپی مننگ نا سوب جوڑ مس۔

اینو سہب ئنا مروک زمی جمب ئنا چنڈیک ترکیہ نا شار حقاری و وان ئٹ ہم مارنگار۔

ترک سیم تیان خڑک ئنا شار خوائے 28 جنوری آ 5.8 ترندی نا زمی جمب آن چنڈی ٹی بسوسس۔ زمی جمب ئٹ 3 بندغ مرگ ئنا گواچیو 1167 بندغ نا ٹپی مننگ نا پڑو کننگاسس۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...