سی ٹی ڈی نا دزگیر ئٹ بندغ تا منوک ویڈیوک
ٹی بی پی سرگپ
بیست و دو مارچ آ بلوچستان سول سیکٹریٹ ئٹ سر وزیر بلوچستان نا ترجمان بابر یوسفزئی و سی ٹی ڈی نا ڈی آئی جی اعتزازگورائیہ ماہل بلوچ نا دزگیر کننگ و دوبہ تا بابت پریس کانفرنس کریر و دزگیر ئٹ ماہل بلوچ نا منوک ویڈیو اس شینک کریر، ہراٹی ماہلبلوچ بی ایل ایف تون اواری ءِ منیک۔ اندن ایلو پارہ غا ماہل بلوچ نا خاہوت دا دعویٰ کننگ ءِ کہ اونا منوک ویڈیو زور ئٹ جوڑ کننگانے۔
سی ٹی ڈی نا دزگیر ئٹ ماہل بلوچ نا منوک ویڈیو بیان اولیکو اف، اِرا ہزار پانزدہ ئٹ پاکستانی کوالخواک دعویٰ کریسر کہ اسہ بلوچسلہہ بند تنظیم ئسے نا اِرا باسک شفقت رودینی و ابراہیم نیچاری ءِ کاروائی نا وخت دزگیر کننگانے و پن کروک بندغ آتیان دزگیر ئٹویڈیو جوڑ کریسہ او وخت ئنا وزیر داخلہ بلوچستان سرفراز بگٹی نا ساڑی مننگ ئٹ کوئٹہ پریس کلب ئٹ میڈیا نا مونا ہتنگار ولے میڈیانا مونا مننگ آن بیدس شفقت رودینی و ابراہیم نیچاری ءِ مستونگ نا علاقہ کانک، کلی کنڈاوا ئٹی گمانی وڑ ئٹ اسہ پولیس دروغ نامونتس اسیٹ کسفنگا۔
جنوری اِرا ہزار بیست و یک ئٹ دے ٹکی بائی پاس آن ایگل فورس سمیع اللہ پرکانی و جمیل احمد پرکانی نا دزگیری ءِ پاش کرے وعدالت ئٹ ہتنگ آن بیدس پولیس نا دروغ مونتس اسیٹ خون کننگار۔ خاران آن سی ٹی ڈی شفقت یلانزئی ءِ دزگیر کننگ آن گڈ دزگیر ئٹاونا منوک ویڈیو ءِ شینک کرے اندن خضدار آن عبدالمنان و سرفراز احمد ءِ زوراکی ئٹ بیگواہ کننگ آن گڈ عبدالمنان نا ویڈیو شینککننگاسس۔
کانودی چاہندار آتا پاننگ ءِ کہ پولیس نا دزگیر ئٹ ساڑی بندغ تا ویڈیو تیٹ مننگ نا ہچو کانودی حیثیت اس اف و پاکستان نا عدالت آکبھاز وار پولیس نا دزگیر ئٹ زوراکی ئٹ نوشتہ کروک بیان تے منیتنو، اندا سوب آن دن انگا ویڈیو تے شینک کننگ ہوکہ تالان کننگتکنگک۔
ایمنسٹی انٹرنیشنل، انسانی حقوق کمیشن پاکستان و سیاسی ادارہ غاک ماہل بلوچ نا مُرغن دزگیری آ خُلیس نا درشانی کننگ ءُ وپاکستان نا ساڑی خراب حالیت آتیٹ ریاستی ادارہ تا کنڈ آن دن انگا تدینی تا برجاء تخنگ ءِ بلوچستان کن بیم بش کروک پن کننگ ءُ۔
سر وزیر بلوچستان آجوئی نا جہد اتون تفوک تنظیم آتے گپ و تران کن بَٹنگ ءِ اندن بلوچستان حکومت نا سروکی ٹی دن انگا تدینیک اوناسوبر مفننگ ءِ پاش کیرہ ہرا بلوچستان نا جنگی حالیت آتے گیشتر خراب کننگ نا سوب جوڑ مرور۔