بلوچستان ضلع کیچ آن پاکستانی لشکر جتا علاقہ آتیان مُسہ بندغ ءِ زوراکی ئٹ بیگواہ کرینے۔ اُرا تیا چھاپہ نا وختا مخلوق ءِ بیدادی تاگواچی کننگا۔
حوال تا ردئٹ تمپ سرنکن نا ہندی ورنا ئس کراچی ایئرپورٹ آن بیگواہ کننگا ۔
خاہوت نا ردئٹ تمپ سرنکن نا ہندی رحمدل بلوچ ولد اسماعیل بلوچ کراچی ایئرپورٹ آن ابو دبئی ہننگ ئس کہ 23 مارچ 2023 آ کراچیایئرپورٹ آن زوراکی ئٹ بیگواہ کننگانے۔
رحمدل بلوچ نا بھلا ایلم نا پاننگ ئس کہ رحمدل بھلو وخت ئسے آن دبئی ئٹ مزوری کننگ ئس تدوکا تُو ہراتم او چھٹی تا ایسر مننگ آنگڈ پدا دبئی ہننگ ئس گڑا کراچی ایئرپورٹ آن بیگواہ مس ہراتم ننے اونا بیگواہ کننگ نا حوال رسینگا گڑا ایئرپورٹ کوالخواہ تیان سوجکننگا گڑا او اسہ وڑ نا ہم معلومات تننگ آن نمن ئسر ۔
او پاریر کہ دا ائیرپورٹ کوالخواہ نا ذمہ واری ءِ کہ او ننتون کمک کیر ، انتئے کہ ننا بندغ ائیرپورٹ نا ہند آن بیگواہ ءِ۔
ایلو پارہ غان تربت نا علاقہ گھنہ ٹی اینو سئور نا وختا پاکستانی فورسز کارندہ آک اُرا تیا چھاپہ خلیسہ صغیر و اختر پنی ارا ورنا ءِبےدادی کننگ آن گڈ دزگیر کریسہ نا درست ہند آ دریر ۔
علاقائی ذرائع تا ردئٹ فورسز کارندہ آک ہمو وخت نیاڑی و چناتے لٹ کُٹ کریر اندن پن کروک ورنا نا حوالہ ئٹ دائسکان اسہ وڑ نا ہممعلومات دوئی متنے ۔
ایسری ٹی اوفک کمشنر مکران و غٹ تفوک کوالخواہ تیان خواست کریر کہ او رحمدل نا آجو کننگ کن تینا ذمہ واری ءِ پورو کیر۔