زوراکی ئٹ بیگواہ بندغ تا خاہوت آتا گڑتی – ٹی بی پی سرگپ

الّمی خوانبو

زوراکی ئٹ بیگواہ بندغ تا خاہوت آتا گڑتی

ٹی بی پی سرگپ

زوراکی ئٹ بیگواہ رشید بلوچ نا لُمہ پنچ سال آن تینا مار ئنا یلہ مننگ نا اومیت ئٹ دا جہان آن موکل کرے۔ علی اصغر بنگلزئی نا زوراکیئٹ بیگواہی ءِ اِرا دہائی پوروْ مسونے، سمیع بلوچ نا باوہ دوانزدہ سال اونا ودار ءِ کرے و دا جہان ءِ ہلیسہ کذیت کرے۔ ڈاکٹر اکبر مری نامار چانڑدہ سال آن تینا باوہ نا ودار ئٹ دے تے گدریفنگ ءِ۔ علی حیدر تینا چنکی نا چانڑدہ سال ءِ پریس کلب تا مونا برانز آتیٹ تدیفےولے باوہ کن اونا ودار ایسر متو۔ سمی و مہلب چانڑدہ سال آن ڈاکٹر دین محمد نا بننگ کن ساہت آتے حساب کننگ ءُ و توتک نا قلندرانیخاہوت اسہ دہائی ئسے آن تینا دوستخواہ تا کسر ءِ اُننگ ءِ۔ دا بلوچستان ئٹ زوراکی نا بیگواہی تا گواچی مروک ہزار آ خاہوت آتیانمنٹ ئسے نا کسہ غاکو۔

اکتوبر اِرا ہزار نو ئٹ زوراکی ئٹ بیگواہ بندغ تا خاہوت آک وائس فار بلوچ مسنگ پرسنز نا بنماس ءِ تخار کہ بلکن سیوتی ئٹ جہد کننگآن اوفتا بندغ آک یلہ مریر ولے وائس فار بلوچ مسنگ پرسنز نا برانزی کیمپ ءِ پنچ ہزار دے پوروْ مسونے و دائسکان ہم بلوچستان ئٹزوراکی نا بیگواہی تا لڑ برجاء ءِ و بلوچ لُمہ غاک تینا مار تا ودار ئٹ دا کوڑی آن موکل کننگ ءُ۔

رشید بلوچ نا لُمہ پنچ سال آن تینا مار ئنا یلہ مننگ کن عدالت آتیا ہنا و خضدار و کوئٹہ ئٹ وائس فار بلوچ مسنگ پرسنز نا برانز آتیٹاوار مریسہ تینا مار ئنا یلہ مننگ کن توار بڑز کرے ولے مار یلہ متو و زوراکی ئٹ بیگواہ مار ئنا جتائی نا دڑد ئتون او دا کوڑی آنرخصت کرے۔

وائس فار بلوچ مسنگ پرسنز نا کماش ماما قدیر بلوچ تینا ورنا غا مار ئنا زوراکی ئٹ بیگواہی و پدان سم تیٹ دتر چُر آ جوْن ءِ دوئیکننگ آن بیدس اومیت ئٹ ءِ کہ برانزی تحریک زوراکی ئٹ بیگواہ بندغ تا یلہ مننگ نا سوب جوڑ مرو و اود پائک کہ ہراتم اسکان مننگکیک او زوراکی ئٹ بیگواہ بندغ تا یلہ مننگ نا تحریک ءِ برجاء تخو۔

زوراکی نا بیگواہی تیان بلوچستان ئٹ بندغی گڑتی ودی مسونے، ہراڑان ہزار آ خاہوت آک زیمی ءُ و ہڑدے زوراکی نا بیگواہی تیٹ ودکیمننگ ءِ۔ بلوچستان و پاکستان ئٹ سیاسی ٹولیک ہراتم اپوزیشن ئٹ مریرہ گڑا دا بیم بش کروک ویل آ توار بڑز کیرہ ولے حکومت ئٹ بننگآن گڈ چھپ مریرہ۔ بلوچستان ئٹ زوراکی نا بیگواہی کون آ بیم بش کروک ویل ءِ ایسر کننگ متو گڑا داڑے نا حالیت گیشتر خرابی ناگواچی مرور۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...