قطبی وزیرستان: مسن تا اِرا اسکول تراک آتیٹ بھس

الّمی خوانبو

وزیرستان نا علاقہ میر علی ٹی نادرست بندغ آک مسن تا مڈل اسکول تے بارود ئٹ بھس کریر۔

ڈی پی او میر علی سلیم ریاض نا رد ئٹ ننکان 2 گرلز مڈل اسکول تے بارود ئٹ بھس کننگا۔ تراک ئٹ گورنمنٹ گرلز مڈل اسکول حسوخیل ءِ نسخان رسینگا۔

ڈی پی او نا رد ئٹ مسن تا اسکول تے بارود ئٹ بھس کننگ نا تدینی تیٹ ہچ ءُ جانی نسخان نا حوال رسینگتو۔

میر علی بازار تون تفوک گورنمنٹ گرلز مڈل اسکول ڈاکٹر نورجنت گل مرحوم کوٹ و میر علی بازار آن اِرا کلو میٹر مُر جاندم نا کنڈ آ دریائے ٹوچی آن خڑک ٹہیفوک گورنمنٹ گرلز مڈل اسکول خسوخیل ءِ تراکی مواد آتیٹ بھس کننگا۔

ہڑتوما اسکول تا ماڑی تے دیخہ نسخان رسینگانے، ڈی پی او نا رد ئٹ ہڑتوما فعال ءُ اسکول ءُ ہرافتیٹ کیہی چناک خوانیرہ۔

پُوسکنا حوالک

خضدار: زوراکی ئٹ بیگواہ کننگوک عبدالوہاب قلندرانی نا لمّہ کذیت کرے

اسہ سال ئس مُست پاکستانی لشکر نا دو آن زوراکی ئٹ بیگواہ کننگوک ورنا عبدالوہاب قلندرانی نا لمّہ کذیت...