بلوچستان ئٹ کاریم کروک بندغی حق آتا ادارہ ہیومن رائٹس کونسل آف بلوچستان نا چیئر پرسن بی بی گل بلوچ نا لمہ و بلوچ نیشنل موومنٹ نا راہشون ایماندار محمد حسین بلوچ نا جنوزان بی بی ماہ ناز بلوچ اینو کوئٹہ ٹی کذیت کرے۔
ہندی ذرائع تا ردئٹ بی بی ماہناز اینو کوئٹہ سیٹلائیٹ ٹاؤن ٹی است ہلنگ آن کذیت کرے۔
بی بی ماہ ناز بلوچ پیری ئٹ بلوچستان ٹی برجاء بندغی حق آتا لتاڑنگ تا برخلاف ساندہ برانز آتیٹ اوار مریسہ توار ارفینے۔
بی بی ماہ ناز نا ارا مار ہم پاکستانی فورسز کارندہ آتون جھڑپ ٹی شہید مسونو اوفتا باروٹ دوئی کروک معلومداری تا ردئٹ او بلوچ سلاء بند بلوچستان لبریشن فرنٹ (بی ایل ایف) نا باسک ئس ئسک۔