خاران و پنجگور ئٹ پاکستانی فورسز آ جلہو تا ذمہ واری ءِ ارفنہ – بی ایل اے

بلوچ لبریشن آرمی نا ترجمان جیئند بلوچ میڈیا غا شینک کروک بیان ئٹ پارے کہ ننا سرمچار آک خاران و پنجگور ئٹ ارا جتاء جتاء جلہوتیٹی قوضہ گیر پاکستانی لشکر و اونا ذیلی فورسز ءِ ٹک کریر ہرافتا نتیجہ ٹی مسہ دژمن کارندہ ٹپی مسر۔

ترجمان پارے کہ بی ایل اے نا سرمچار آک استو خاران شار ئٹ پولیس تھانہ نا بنجائی درغ آ ہموتم آ چغلی بمب ئٹ جلہو کریر ہراتمفورسز نا اسہ لاری ئس تھانہ غان پیشتمنگ ئس،تراک نا نتیجہ ٹی اسہ کارندہ ئس ٹپی مس۔

بیان ئٹ پاننگا کہ بی ایل اے نا سرمچار آک ارٹمی جلہو ءِ پنجگور ئٹ قوضہ گیر پاکستانی لشکر نا بنجائی کیمپ آ اینو سہب آکریر،سرمچارک کیمپ نا چوکی آ گرینڈ لانچرز ئٹ کہیی گولہ تے خلکر ہرانا سوب ود کم ارا کارندہ ٹپی مسر، وختس کہ کیمپ نا تیٹیگولہ لگنگ آن دژمن ءِ پین جانی و مالی نسخان تون مون تروئی تما۔

گڈ سر ئٹ او پارے کہ بلوچ لبریشن آرمی دا ہڑتوما جلہو تا ذمہ واری تے ارفک۔مسخت نا دوئی مننگ اسکان ننا کاروائیک برجاء مرور۔