بلوچستان نا ضلع خضدار و کوئٹہ آن پاکستانی فورسز کارندہ آک ارا ورنا ءِ دزگیر کریسہ نا درست ہند آ دریر ۔
بیگواہ مرروک آتا چاہنداری کامران ولد سومرو خان و کمبر بلوچ ولد محمد کریم نا پن آن مسونے ۔
ذرائع تا پاننگ ئس کہ کامران نا تعلق خضدار نا علاقہ مولہ آن ءِ ہرادے استو یک بجہ آ اوفنا اُرا باذگیر خضدار آن سلہہ بند بندغ آک زوراکی ئٹ بیگواہ کریر ۔
خاہوت نا ردئٹ اونا بابت دائسکان ننے ہچس پاننگ متنے کہ او ہرانگ ءِ۔ خاہوت نا پاننگ ءِ کہ غٹ تفوک آفسر و ادارہ آتیان خواست کینہ کہ او کامران نا یلہ کننگ ءِ یخینی کیر ۔
بیگواہ کروک کمبر بلوچ ہرا کہ کیچ نا علاقہ کولواہ نا ہندی ئسے و ایف ایس سی نا خوانندہ ئسے ہرادے درو شام یک بجہ آ شارجہ ہوٹل کوئٹہ آن فورسز کارندہ آن زوراکی ئٹ بیگواہ کریر ۔