پنجگور و تربت جلہو تا ذمہ واری ءِ بی ایل اے ارفے

بلوچ لبریشن آرمی نا ترجمان جیئند بلوچ میڈیا ٹی شینک کروک بیان اسیٹ پارے کہ بی ایل اے نا سرمچار آک پنجگور و تربت ئٹ اِرا جتا جلہو تیٹ کوزہ گیر پاکستانی لشکر ءِ ٹک کریر، جلہو تیٹ پنچ دژمن کارندہ ٹپی مسر۔

او پارے کہ بی ایل اے نا سرمچار آک استو پنجگور نا علاقہ راہی نگور ئٹ سی پیک روٹ آ ٹہفوک کوزہ گیر پاکستانی لشکر نا اسہ پوسٹ ئسے ٹک کریر۔

جیئند بلوچ پارے کہ سرمچار آک پوسٹ آ گرنیڈ لانچر ئٹ کیہی گولہ تے خلکر، تراک آتا سوب آن کم آن کم مُسہ دژمن کارندہ ٹپی مسر و دژمن ءِ مالی نسخان تیتون مون تروئی تما۔

ترجمان گیشتر پارے کہ بلوچ لبریشن آرمی نا سرمچار آک 2 ستمبر نا نن اسہ پین کارروائی اسیٹ تربت نا علاقہ جوسک ئٹ کوزہ گیر پاکستانی لشکر نا اسہ چوکی ئسے چغلی بمب جلہو ئٹ ٹک کریر، تراک ئٹ اِرا دژمن کارندہ ٹپی مسر۔

جیئند بلوچ ایسر ئٹ پارے کہ بلوچ لبریشن آرمی پن کروک ہڑتوما جلہو تا ذمہ واری ءِ ارفک۔ مسخت نا دوئی کننگ اسکان کوزہ گیر لشکر و اوڑتون ہمکوپئی کروک آتیا ننا جلہوک برجاء مرور۔