گوادر ئٹی اڈ ہلوک بلوچ راجی مچی کن کراچی آن پیشتموکا کاروان ءِ کنڈ ملیر نا ہند آ توننگانے۔
حوال تا رد ئٹ پاکستانی لشکر بھلو کچ ئسیٹی دہ بس ئنا کاروان ءِ گھیرہ کرینے و بندغ آتا دیر و کُننگ نا مڈیک چُھٹانو۔ فورسز آک نہ اوفتے مونی ہِننگ نا موکل تننگ ءُ نئے المی مڈی ہلنگ نا۔
خیال ئٹ مرے بلوچستان نا جتا علاقہ آتیان بلوچ راجی مچی ٹی اوار مننگ کن کاروانک درو گوادر آ پیشتماسر۔ ہراڑے کسر آ فورسز آک نہ بیرہ اوفتے توریر بلکہ اوفتیا سم کاری ہم کریر ہرا نا سوب آن بیرانی و ٹپی مننگ نا حوال رسینگانے۔
ایلو کنڈ آن ہخس کہ کاروان گوادر و اونا ایب کیب ئٹ سر مسنو اوفتے ہموڑے فورسز آک تینا گھیرہ ٹی ہلکنو۔