خضدار آن زوراکی ئٹ بیگواہ ممتاز بلوچ نا لُمہ جہان آن رخصت کرے۔
شابیتی حوال تا ردئٹ اِرا سال مالو خضدار آن زوراکی ئٹ بیگواہی نا گواچی کننگوک ممتاز بلوچ نا لُمہ ماہ جان مار ئنا ودار کریسہ جہان آن رخصت کرے۔
ماہ جان بلوچ درو خضدار ئٹ کذیت کرے اودے اونا باوہ پیرئی علاقہ سوراب ئٹ گڈی ہند کننگا۔
یاتی مرے ممتاز بلوچ ءِ 6 ستمبر 2022 آ خضدار آن دزگیر کریسہ زوراکی ئٹ بیگواہ کننگاسس دا مسٹمیکو وار ءِ کہ ممتاز ءِ زوراکی ئٹ بیگواہی نا گواچی کننگانے۔
ممتاز بلوچ نا آجوئی کن اونا لُمہ و ایڑ ئنا مسڑ نا پارہ غان کیہی وار حکومت و بندغی حق آتا ادارہ تیان ممتاز نا آجوئی نا خواست مسنے اندن او برانز و سوشل میڈیا کیمپین ہم اڈ تسنو واہم ممتاز بلوچ دائسکان آجو کننگتنے۔