بلوچستان نا ضلع کیچ نا بنجائی علاقہ تربت آن پاکستانی لشکر نا دو آن مُسہ بندغ زوراکی ئٹ بیگواہ کننگان ءُ۔
بلوچ نیشنل مومنٹ نا بندغی حق آتا ادارہ پانک تربت آن زوراکی نا بیگواہی تے پک کرسا پارینے کہ عطاء اللہ ولد نور بخش، یاسر بلوچ ولد حمید اللہ و بلال امام ولد امام بخش پاکستانی لشکر نا دو آن دزگیر مننگ آن گڈ بیگواہ کننگانو۔
پانک ئنا رد ئٹ ہر مُسہ ورنا تے 8 آن 13 اکتوبر 2024 اسکان تربت ضلع کیچ آن زوراکی ئٹ بیگواہ کننگانے۔
بلوچستان ئٹی زوراکی نا بیگواہی تیٹ اسہ وار پدا ودکی مسنے ہراڑے برجاء تُو ئٹی دی بلوچستان پوسٹ ءِ بلوچستان تون اوار ایلو علاقہ آتیان زوراکی نا بیگواہی تا 21 رپورٹ دو بسنو ہرافتیٹ چار ولدا یلہ کننگانو و 17 دائسکان بیگواہ ءُ۔
اینخو ستمبر نا تُو ئٹی زوراکی نا بیگواہی تا کچ 41 اس و منَہ بندغ یلہ مسوسر۔