بلوچستان نا ضلع کیچ ئٹ لشکر کشی برجاء ءِ اندن لشکر کشی نا وخت آ پاکستانی لشکر اِرا بندغ ءِ دزگیر کریسہ بیگواہ کرینے۔
شابیتی حوال تا ردئٹ کیچ نا علاقہ زامران ئٹ گیشتردان، نوانو، ھان کلگ تون اوار ایب کیب نا علاقہ تیٹ لشکر کشی برجاء ءِ۔
علاقائی حوالکار تا ردئٹ لشکر کشی نا وخت آ پاکستانی لشکر گیشتردان آن اِرا بندغ ءِ دزگیر کریسہ بیگواہ کرینے۔
بیگواہ مروک آتیٹ ملا سلام نا مار شعیب ہند گلی و فتح محمد نا مار پزیر ہند نوانو اوار ءُ۔
پن کروک بندغ آتے پاکستانی لشکر ہمو وخت دزگیر کرینے ہراتم او ہڑتوم آک تینا میڷ تے ہُننگ کن ہناسر۔
حوالکار تا پاننگ ءِ کہ علاقہ ئٹ بھلو کچ اسیٹی فوجی کارندہ غاک ساڑی ءُ اندن فوجی تا ہن و بر ہم برجاء ءِ۔