گُلاب اِنگا ورنا تا روح تے سڑک آ تینا خن تو قوضہ مننگ آ خننگ اوٹ
ای کستُوری تامے تِروکِنگا زَگر آ دتر تا ائے جوتے وہنگ آ خننگ اوٹ
تہاری تا ڈیوا تے نُور آتے خنتا او سیبو تے خلقت تا بندی کننگ او
اموتا ای جیجل تے گودل تے دڑد آتیٹی زندہ زندہ کہنگ آ خننگ اوٹ
گلی کوچہ تیٹی کُچک آک پیری کننگ او امن نا چراغ ئے دننگ او
ای رَستر تے خرماتے معصوم آ خَزماتے گڈ آتے سنگت ڈلِنگ آ خننگ اوٹ
دڑِنگ اوٹ بُرِنگ اوٹ شیشپہ مننگ اوٹ ای دھرتی نا دڑد آتیٹی چٹ بسِنگ اوٹ
ای آڑشیرہ سینہ ئے دا چلتنی آ جغر ئے سفا پُتک الِنگ آ خننگ اوٹ
سمُندر نا والی تے نیام آن سمُندر نا خُشک اِنگا جوڑ آتو واپس مِڑنگ آ
ای خواجہ تے خیسن تا مزدَک ڈغار آ ہِرا دُوٹی مِش تے کونِنگ آ خننگ اوٹ.
مزدک مہر