یاری مَس نیتو چار دے نا ننے نی تینا کریس
لاچاری بَزگی اے ننا سینہ ٹی تینا کریس
مسُوس فِدا وطن کے بے خوف بے ہِڑس
ہر خُوشی اے دفن نی تینا کریس
پِن اس اِلاس تاریخ اٹی سربُلند او
جاگہ اے چُھنا چُھنا نا استٹی تینا کریس
بھاز یاد بریرہ نا ہنینا گَپ آک سنگت
خَڑینکے تورینہ ادا فرض اے نی تینا کریس
شہیدی اس ہندُونو خُواہوہ ای بہار
دُون کے عُمر جان نی تینا کریس
بہار بلوچ
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔