حوال تا رد ئٹ بھارتی دارالحکومت نئی دہلی ٹی تئوئی لڑدی نا سوب آن اسہ وار واپس اسکول آتے بند کننگ نا پرمان تننگانے۔
بھارتی میڈیا نا رد ئٹ سپریم کورٹ دارالحکومت نئی دہلی ٹی تئوئی لڑدی آ ریاستی حکومت آ بھاز سوختئی نا درشانی کرے۔
بھارتی سپریم کورٹ نا چیف جسٹس این وی رامانا نا پاننگ اس کہ اندن محسوس مریک کہ ہچ مننگ اف، بیرہ طاغت بھس مننگ، و تئوئی لڑدی نا برجاہ ودیفنگ ءِ، سپریم کورٹ نئی دلی نا حکومت نا پارہ غان اسکول آتے واپس ملینگ نا فیصلہ آ بھاز سوختئی نا ہم درشانی کرے کہ مسہ و چار سال ئنا چناک دا حالیت ئٹ اسکول آ ہننگ ءُ و بھلاک ارا تیٹ تولیسہ کاریم کننگ ءُ، عدالت نئی دہلی نا حکومت آن اسکول و دفاتر تون ہمگرنچ پاش پالیسی نا ہم پرمان تس۔
ایلو پارہ غان عدالت نا سخت سوختئی آ نئی دہلی نا وزیر ماحولیات پگہ آن اسہ وار واپس تیوہ آ اسکول آتے بند کننگ نا پرمان شینک کرینے، وزیر ما حولیات نا بھارتی حوال تروک ویب سائٹ آن پاننگا کہ پگہ جمعہ نا دے نئی دہلی ٹی اسکول ایلو حکم اسکان بند مرور۔
یات مرے کہ داکان مست تدوکا تو ہم نئی دہلی ٹی تئوئی لڑدی نا سوب آن اسکول آتے بند کننگ نا پڑو کننگاسس۔