بلوچستان نا علاقہ قلات و نوکنڈی ئٹ روڈ شکست و سم کاری نا جتا ویل آتیٹ ارا بندغ مرگ نا گواچی، اندن 21 ٹپی مسونو۔
حوال تا رد ئٹ بلوچستان نا ضلع قلات نا علاقہ محمد تاوہ آن اسہ بندغ ئسے نا سم تیٹ بروے جون خننگا، قلات لیویز حوال رسینگا کہ محمدتاوہ نا خڑک اسہ بندغ ئسے نا جون کننگانے ہرادے سم کاری کریسہ کسفینگ آن گڈ گیاوان جاگہ اسیٹ خسانو۔
قلات لیویز کاروائی کریسہ جون ء دوئی کریسہ ڈی ایچ کیو قلات آ سر کرے اوکان گڈ کہوک نا چائنداری محمد تاوہ آن تعلقدار عبدالواحد محمدزئی نا پن ئٹ مسونے۔ قلات بند و بست المی کاروائی آن گڈ جون خاہوت نا دو ٹی تننگ آن گڈ پین کاروائی برجاہ۔
اندن پین حوال ئسے نا رد ئٹ کوئٹہ آن تفتان آ بروک آ مسافر کوچ کوہ دلیل نا ہند آ ترند ہننگ نا سوب آن ویل ئنا گواچی مس ہرانا سوب آن اسہ زالبول اس مرگ نا گواچی اندن 21 بندغ ٹپی مسونو۔
گیشتر حوال تا رد ئٹ یک شمبے نا دے کوئٹہ آن تفتان ہنوک مسافر کوچ کوہ دلیل نا ہند آ ترند ہننگ نا سوب آن ویل ئنا گواچی مس ہرانا سوب آن اسہ زالبول اس مرگ نا گواچی اندن 21 بندغ ٹپی مسر۔
لیویز جون و ٹپی آتے دمدستی وڑ ئٹ ہسپتال آ سرکرے ہراڑے 3 ٹپی ناحالیت خلیس ٹی پاننگ ءُ ہرا دوا درمان کننگ آن گڈ کوئٹہ آ رادہ کننگانو پین کاروائی برجاہ ءِ۔