حوال تا رد ئٹ بلوچستان ٹی اومی کرون وائرس نا 32 گمانی کیس مونا بسونو، محکمہ جانجوڑی نا پاننگ ءِ کہ شکبر آ بندغ آتا نمونہ آک پک کننگ کن این آئی ایچ اسلام آباد آ رادہ کننگانو،انچارج کوڈ آپریشن سیل ڈاکٹر نقیب اللہ نیازی نا پاننگ ءِ اومی کرون نا گامنی کیس آک بلوچستان نا ضلع قلات آن مونا بسونو۔
گیشتر حوال تا رد ئٹ دا بندغ آتیٹ کرونا وائرس پک مسونے اندن اومیکرون وائرس نا شک ءِ، نقیب اللہ نیازی نا پاننگ اس کہ ناجوڑ تا ری سیمپلنگ برجاہ ءِ، اندا سوب آن اومی کرون نا گواچی مننگ نا رد ئٹ داسکان پاننگ کپنا، حالیت رپورٹ آتا بننگ آن گڈ سما تمو۔
او پارے کہ 12 ناجوڑ قرنطینہ ٹی ءُ اندن ایلوک پٹ و پول آن گڈ قرنطینہ کننگور،محکمہ جانجوڑی نا کوالخوا تا پاننگ ءِ کہ گمانی ناجوڑ آک قلات ٹی قرنطینہ کریسہ اوفتا نمونہ آتے پک کننگ کن این آئی ایچ ڈی اسلام آباد آ رادہ کننگانو ہراتا رپورٹ منہ دے ئٹی رسیگو۔
او پارے کہ رپورٹ آک ریسنگنگ آن گڈ اومی کرون وائرس ساڑی مننگ پک مننگ کرو، کوالخوا تا رد ئٹ تدوکا دے قلات آن کرونا وائرس نا 25 کیس رپورٹ مسوسر اندن کرونا وائرس نا تالان مننگ نا کچ ئٹی ہم بھاز تو آن گڈ 5 فیصد آن زیات ودکی مسونے۔