بلوچستان ئٹ برجاہ سال ئنا یانزدہ تو نا نیام ئٹی جتا وڑ ئنا جرائم تیٹ 3573 تدینی رپورٹ، تدوکا سال نا حساب ئٹ جرائم نا 488 زیات ویل مسونو، اندن برمتہ، زنا، دزی نا ویل آک کم رپورٹ مسونو۔
محکمہ داخلہ بلوچستان نا برجاہ سال جنوری آن نومبر اسکان پولیسں و لیویز نا زیر انتظام جرائم تا رپورٹ نا رد ئٹ بلوچتان ٹی برجاہ سال مچ 3573 جرائم نا ویل آک رپورٹ مسونو ہرا کہ تدوکا سال نا 3085 ویل آتا حساب ٹی 488 ویل زیات ء۔
اندن رپورٹ نا رد ئٹ پولیس نا علاقہ ٹی مچ 2907 اندن لیویز نا زیر انتظام علاقہ ٹی 660 ویل رپورٹ مسونو یانزدہ تو ئنا نیام ئٹی بلوچستان ئٹ تیوہ آتیان زیات 927 موٹر سائیکل دزی و لٹ و پل نا تدینیک رپورٹ مسونو اندن تدوکا سال نا حساب ئٹ 3 20 ویل زیات جرائم نا کچ ئٹی ایلو نمبر آ خون ئنا تدینیک ءُ بلوچستان ٹی خون ئنا 811 ویل رپورٹ مسونو۔
اندا وڑ برجاہ سال نومبر نا ایسری اسکان خون ئنا 329 ویل رپورٹ مسونو، 2021 بلوچستان ئٹ فساد آتا سال ہم مسونے، اندن دا سال فساد آتا287 ویل مسونے، زوراکی نا زنا نا 71 ویل رپورٹ مسونے،ہرا تدوکا 2سال ئنا حساب آ 9 ویل کم ءُ، اندا وڑ بلوچستان ٹی برمتہ نا249 تدینی رپورٹ مسونو ہرا تدوکا سال نا حساب ئٹ 17 تدینی کم ءُ برجاہ سال بلوچستان ٹی داڑیلی نا 200، گاڑی دزی و لٹ و پل نا 102،،ساہدار و ایلو دزی تا 182، اندن کسفوکا ویل آتا 317 ویل ہم رپورٹ مسونو بلوچستان ٹی برجاہ سال نومبر اسکان چائلڈ لفٹنگ نا ہچ ء ہم ویل متنے۔