حوال تا رد ئٹ میڈیکل کالجز نا خوانندہ آتا کنڈان احتجاجی کیمپ بیست و سئے میکو دے ہم برجاہ ءِ۔
خوانندہ آتا پاننگ ءِ 25 نومبر نا فیصلہ آ عدالتی کارروائی کریسہ ننے عدالت دا ٹیسٹ آن بچفینگ کیک ولے
ننا رجسٹریشن و غیر قانودی وڑ ئٹ ننا ٹیسٹ ءِ الینگ حکومت بلوچستان ذمہ وار ءِ۔
انتئے کہ نن تینا دا پریسں کانفرنس آن رد ئٹ دا تننگ خوانہ کہ ننا خواست آتے عدالتی فیصلہ آن زوت پورو کیر تاکن ننا وخت ٹی ہچ ءُ کمی مف ہراڑان نن سخت خلیس ٹی اُن حکومتی نمائندہ آتا پارہ غان داسکان ہچ یخین تننگتنے ہرا عقل آن بڑز ءِ ہراڑان حکومتی نمائندہ آک دا پاش کننگ ء کہ ننے دا کالج آتون ہچ ء دلچسپی اف۔
اوفتا پین پاننگ اس کہ نن وزیراعلیٰ بلوچستان میر عبدالقدوس بزنجو آن دو تفینہ کہ پی ایم سی آن ہیت کریسہ دا کالج آتا طلباء آتے ٹیسٹ آن رجسٹرڈ کیر تاکن نن تینا میڈیکل ایجوکیشن ء برجاہ کننگ کن نن حکومت تون موپہ مون مریسہ تینا جائز خواست آتے مونا تخین۔
ولے او تینا زد آ سلینگ سوب آن ہچ ء دلچسپی نشان تننگ اف اینو اسہ وار واپس حکومت بلوچستان و ہیلتھ سیکرٹری تون مونی مریسہ پانہ کہ نن کن آڑاند جوڑ کننگ نا جاگہ آ ننے پی ایم سی آن رجسٹرڈ کریسہ صوبہ ٹی جانجوڑی و تعلیم ء مونی دے۔