بلوچ اسٹوڈنٹس ایکشن کمیٹی نا پارہ غا لیاری ئٹ لیاری لٹریری اینڈ پولیٹیکل فیسٹیول ہڈ تننگا۔ دا اسہ دے ئی مجلس ئٹ جتا سرحال تیا شرہ کننگا و گپ تران آک مسر۔
مجلس ئٹ خوانندہ ورنا تیتون اوار زند ئنا بشخ آتیان مخلوق بشخ ہلک۔ دیوان ئٹ آرٹ نمائش کننگا اندن کتاب کاروان نا رِدئٹ کتاب مچی مس ہراڑے اڑزان نرخ آتیا کتاب دوئی کننگ مسکہ۔
بلوچ اسٹوڈنٹس ایکشن کمیٹی نا ترجمان دا اسہ دے ئی مجلس سرسہب پِن کریسہ بروکا وخت دنو پروگرام ہڈتننگ نا پڑو کرینے۔ ترجمان نا پاننگے کہ بلوچستان نا سرزمین آن بست و بندی ردئٹ جتا کروک بلوچ اکثریت علاقہ لیاری ئٹ دنو سرسہب ءُ مجلس ہڈ تننگ علاقہ اٹ اسہ پوسکنو و شون تروک شرہ ئسے نا سوب مرو۔
