بلوچستان نا ضلع آواران نا ہندی عابد ولد خالد کراچی آن پاکستانی لشکر نا دو آن بیگواہ کننگانے۔
خاہوت نا رد ئٹ عابد ولد خالد بک آتا ناجوڑ ئسے، ہرانا اسہ بک کاریم کپک، و ایلو بک نا اسہ آپریشن تدوکا تُوہ مسوسس ہراڑان گڈڈاکٹر آک اودے دارو درمان تریسہ اسہ تُوہ ئس آرام کننگ نا پاریسر و تدوکا دے 16 دسمبر آ اونا کاریم کپروک آ بک ئنا ایلو آپریشنئس ہرادے کشوئی ئس و داڑکن اودے درو کتھیانہ میمن اسپتال ئٹ داخل مروئی ئس ولے زر مفننگ نا سوب آن اونا داخلہ مننگ کتو۔
خاہوت نا پین پاننگ ئس کہ بروک آ سئے شمبے آ اونا آپریشن ءِ تخاسن تاکن زر آتا بندوبست کننگے۔ ولے تدوکا نن اودے کراچی پولیس وسی ٹی ڈی کارندہ غاک ڈھکوک ادارہ تون اوار اودے سیال نا اُرا ڈالمیاں شانتی نگر آن نن ئنا یک و نیم آ ارفیسہ زوراکی ئٹ بیگواہکریر۔
بلوچ نیشنل موومنٹ نا بندغی حق آتا ادارہ پانک عابد بلوچ نا زوراکی ئٹ بیگواہی آ افسوز نا درشانی کریسہ پارینے کہ پاکستانیلشکر نا دا بے بندغی کاریم نا ترند مذمت ءِ کینہ۔
پانک نا رد ئٹ پولیس اُرا ٹی ساڑی زالبول تے ہم بے دادی نا گواچی کرینے۔