جندندری نا فلسفہ
نوشت: کامریڈ وفا بلوچ
دی بلوچستان پوسٹ
قومی جہد آتیٹی قوماک ہرا وخت کہ تینا مُخ ءِ تفیسہ تینا ڈغار نا آجوئی کن جنگ کن رائی مسونو تو ہمو وخت آ اوفتے دنیا نا ہچو تاغتئس، خلیس ئس، لالچ ئس پدی بٹنگ کتانے۔ دافک انداخہ در جہد اٹ مشغول مسونو کہ تینا زند ءِ تینا دوٹی ایسر کرسہ ندر مسونو۔اندن جہد اٹ تینا زند ءِ تینا دوٹی سدخہ کروکاتے “جندندر” پارہ۔
ہرا وخت کہ لمہ وطن نا لاڈی آ ورنا تینا فرض ءِ پورو کننگ کن حالیت آتا جاچ ءِ الیک تو اوڑے اندا ورنا تینا ذات آن پیشن مریک۔ او تینازند ءِ وطن کن کُربان کننگ نا سوغند ءِ ارفک۔ او زند ہچو زند ئس اف کہ بندغ ہمو ساعت آتیٹی تیر کیتے کہ ہرا وخت آ زوراک کوزہ گیراونا ڈغار آ اونا نگ و ناموس ءِ لغت خلیسہ اونا نیاڑی تا گُد آتے کاٹم آن ارفک، لمہ نا اولاد آتے بیگواہ کرسہ اودے مچا زند دتر نا خڑینکشولیفک، باوہ نا پیری اٹ کمکار آ مار ءِ گولی تا گواچی کیک، ہیڑ سینا امیت آتے ایسر کرسہ اونا ایلم ءِ تنک کھوٹی تیٹی بند کرسہٹارچر کیک۔ دا حالیت آتیٹی زند بیدس ندر مننگ آن پین ہچو معنی ئس تخپک۔ نا تو مچا زند اٹ زلیل مننگ، رسوا مننگ، پِٹ جلنگ، خنتے شیف کرسہ زند تدیفنگ کن بچک۔ دننگا ہزار زند آن شرف نا موت جوان ءِ۔
بلوچ راجی جہد اٹ ورناک تینا ساہ ءِ ترسہ جہد ءِ ترندی اٹ مونی دننگ او۔ اینو مچا دنیا دا باور کننگ آ بیوس مسونے کہ واکی بلوچتینا راج کن، تینا ڈغار نا آجوئی کن جنگ کننگ ءِ۔ بیدس مسخت آن دَیر تینا زند ءِ تینا جند نا دوٹی ایسر کیک۔ بلوچ جندندراک تیناکُربانی نا فلسفہ اٹ قومی جنگ ءِ گواچنی او دروشم ئس تسور۔ دافتا زند نا ہمو ساعت ہچبر لوز آتیٹی درشان مننگ کپک کہ ہرا وختجنگ نا وخت بریک و دا ندریک تینا مزل کن گام ارفنگ آن مُست اسے اسے گولی جتا تینا جیب ٹی کرسہ، اسے ایلو تون بغل گیر مرسہمخیسہ ٹاکو خلیسہ اسے ایلو ءِ پارہ “رخست اف اوارن سنگت“۔ دا لوزاک زندہ اننگا بندغ آتیکن ءُ۔ دا لوز آتیٹی اسے کڑمبو فلسفہ ئسدکھوکے۔ دا فلسفہ ءِ ڈغار نا ندری تیان بیدس کس پُو مننگ کپک۔ بلوچ ورناک تینا مسخت اٹ انداخہ سرسوب مسونو کہ اینو دژمن ناہچو زوراکی، دڑکو، لالچ، خلیس و طاغت ئس پدی کننگ کپک۔
دژمن نا ہوش ہمو وخت پرینگا و خلیس سیٹی گڑینگا ہرا وخت کہ لمہ وطن نا اسے دلیر او مڑد ئس تینا ڈغار نا سوگوئی و آجوئی کنانداخہ وفادار مس کہ تینا زند ءِ تینٹ ڈغار کن ندر کرے۔ اندا سوچ و فکر نا کسر اٹ تینا اِرا گواڑخ اننگا شہزادہ غاتے چوری کرسہگاڈی ئس بارود آن پُر دژمن نا دلال آتا کھوٹی ٹی خلک و مدام وطن نا مش اٹ آسودہ مس۔ دا بلوچ دیہاڑ نا اولیکو جندندر ئس ہرا نا پن“شہید درویش” ئس۔
ودی پین درویش ئس دا خاک آن مرو ءِ
اندن دا فلسفہ راجی آجوئی نا جہد اٹ مدام برجا سلیسہ اینو بلوچ دیہاڑ نا اسے بھلو باب ئس جوڑ مسونے۔ اگہ دا باروٹ کتاباکنوشتہ مریر وا ہم دا دلیر اننگا مڑد آتا کسہ غاک ایسر مننگ کپاسہ۔ ہر اسٹ نا اسے جتا او کربانی و جوزہ و ہمت نا دروشم ئسخننگک۔ تینا ورنائی، خاہوت، اولاد و زند نا مچا است خواہی تے گیرام کرسہ تینا زند ءِ ندر کیک۔ دا حالت و ساعت ہچبر لوز آتیٹی درشانمننگ کپک۔
قربان ہمو جوزہ کن کہ باوہ تینا شہزادہ اننگا مار ئے ڈغار کن ندر مننگ کن رخست کیک۔ ہمو لمہ نا جغر ءِ سلام کہ اودے دا ہم سما ئسکہ کنا لال اننگا اولاد نا لاش ہم سر مفک، وطن نا بیرک ءِ بیریفسہ اودے رخست کیک۔ پُھل اننگا ریحان نا کُربانی مچا بلوچ قوم کن چراغئسے۔ استاد اسلم نا جہد و کربانیک ہر وخت بلوچ قوم نا راہشونی ءِ کیرہ۔ دا سرہال آتیا سال آ سال ہیت و گپ کین واہم ایسر مفسہانتئے کہ دافتا کُربانی و جوزہ غاک ہر وخت زندہ سلوکو و ہر ساعت قوم نا کسر شون نا کڑد جوڑ مریرہ۔
دا اسے زندہ او کڑد سینا خواجہ جوڑ مسور۔ اینو دا جندندر آتا پنک راجی دیہاڑ اٹ اسے بھلو لڑ سیٹی خننگرہ۔ دا چنکا نوشتہ اٹاندا جندندر آتا پنک ہم جاگہی مننگ کپاسہ۔ کراچی نا چائینیز کونسلیٹ آ جلہو کروکا جندندر آتیان الیس نوشکی نا تاریخی آ دژمن ناہیڈ کوارٹر آتا جلہو، پھلنگا سربلند نا ورنائی نا جوزہ غان الیس لمہ شاری بلوچ نا ہمت و سگی آ ندری اسکان۔۔۔۔ اسے بھاز بھلو تاریخئسے۔ دا وطن نا جندندر آتا زند نا ہر ساعت و کڑد آ کتاباک نوشتہ مریر واہم دافتا جوزہ اننگا کسہ غاک ایسر مفسہ۔ بلوچ قوم مچا زندتینا دا کسر شون تا روشنائی کروکا کسر آ گام خلیسہ اوفتے نازیفک و اوفتا سوچ و فلسفہ ءِ تینائی کیک۔