بلوچستان نا صنعتی شار حب چوکی و ڈیرہ مراد جمالی ٹی ارا جتاء تراک آک مسونو۔
ڈیرہ مراد جمالی ٹی پولیس نا گاڑی آ جلہو کننگا۔
بست و بند نا ردئٹ استو نا درست بندغ آک ڈیرہ مراد جمالی ٹی بنجائی کسر دوست ہوٹل نا ہند آ ایس پی صدر پولیس نا اسکواڈ نا موبائل آ چغلی بمب ئس خسیسہ نرار ۔
کمکی حوال آتا ردئٹ ہچو جانی و مالی نسخان نا حوال اف ۔ قانود نافذ کروک ادارہ آک ہند آ رسینگیسہ پٹ و پول ءِ بناء کریر ۔
اندا وخت بلوچستان نا صنعتی شار حب چوکی ٹی ساکران پولیس تھانہ آ چغلی بمب جلہو کننگا ۔ علاقائی ذرائع تا ردئٹ تراک ئٹ ارا پولیس کارندہ ٹپی مسونو واہم کوالخواہ نسخان آتا پک ءِ کتنو۔