بلوچ لبریشن آرمی نا ترجمان جیئند بلوچ میڈیا آ شینک کروک تینا بیان ئٹ پارینے کہ بی ایل اے نا سرمچار آک قلات و خضدار ٹی ارا جتاء جلہو تیٹ پاکستانی فورسز و استحصالی پراجیکٹ نا مشینری ءِ ٹک کرینو۔
جیئند بلوچ نا پاننگ ئس کہ سرمچار آک استو قلات ، ہربوئی ٹی تیرک نا ہند آ تیل و گیس کشوک استحصالی پراجیکٹ کن کسر جوڑ کروک مشینری ءِ بھس کریر ۔
ترجمان نا پاننگ ئس کہ خضدار شار ٹی زیر تعمیر سرکاری ماڑی نا رکھ اکن ڈیوٹی تروک کارندہ آتے چغلی بمب جلہو ٹی ٹک کننگا ، تراک نا سوب ئٹ ارا پولیس کارندہ محمد زاہد و حمید ٹپی مسر ۔
جیئند بلوچ نا پاننگ ئس کہ بلوچ لبریشن آرمی دا ہڑتوما جلہو تا ذمہ واری ءِ ارفک۔ مسخت نا دوئی کننگ اسکان کوزہ گیر لشکر و اوفتون اوار مروک بندغ آتیا جلہوک برجاء مرور ۔