بلوچستان نا ضلع کیچ آن پاکستانی لشکر چار بندغ ءِ زوراکی ئٹ بیگواہ کریسہ بے ڈس ءُ ہند ئسے آ درینے۔
بیگواہ مروکا تیٹ عبداللہ، شے مرید ، فتح و مسلم ولد عارف اوار ءُ۔
بیگواہ مروکا تیٹ عبداللہ، شے مرید، فتح ءِ تعلیمی چوک تربت آن و مسلم ءِ کیچ ئنا تحصیل بلیدہ زومدان آن دزگیر کریسہ بیگواہکننگانے۔
خاؤت نا کنڈ آن رسینگوکا حوال تا رد ئٹ تربت آن بیگواہ مروکا تے سکیورٹی فورسز آک سیز کالونی تربت آن درو دزگیری آن گڈ بیگواہکرینو۔
بیگواہ مروکا ہر مُسٹ خوانندہ ءُ ہرافتیٹ 15 سالی عبداللہ ولد عبدالرحمن ماڈل اسکول تربت نا خوانندہ سے و میٹرک نا امتحان انداسال تسنے۔ 13 سالی شے مرید ولد مختار سکنہ گلی بلیدہ ساچ اسکول ٹی خواننگ ءِ و 10 سالی فتح ولد معیار سکنہ چیرمین بازارکوچہ بلیدہ ٹی ساچ اسکول گلی بلیدہ ٹی خواننگ ءِ۔
اوفتا خاؤت آتا پاننگ ءِ کہ بیگواہ مروکا تا سن پانزدہ سال آن زیات اف اوفتے دا وڑ بیگواہ کننگ سمجھ آن پیشن ءِ، اوفتے زوت آجوکریسہ خاؤت ءِ دا ڈکھ آن کشنگ مرے۔
اندن بلیدہ آن ہم حوال ارے کہ پاکستان فورسز آک بلیدہ نا علاقہ زومدان و چیئرمین رحمان بازار ٹی چھاپہ خلیسہ، زومدان آن مسلمولد عارف پنی ءُ چنکو مار ئسے بےدادی کریسہ بیگواہ کرینو۔