کینیڈا نا سرکاری اوغدیدار نا پاننگ ئس کہ، نن دا ردئٹ امریکہ تون اوار مریسہ معاملہ نا تہہ اسکان کاریم کننگ اُن۔
کینیڈا ٹی سکھ راہشون نا خون آ انڈیا و کینیڈا نا نیام ئٹ سفارتی سیالی ئٹ اسہ پوسکنو دروشم ئس بس ۔ انڈیا تینا شاری تے کینیڈا نا کیہی علاقہ آتیا وے سفر کننگ نا پنت شینک کرے ۔
فرانسیسی نیوز ایجنسی اے ایف پی نا ردئٹ چار شمبے آ انڈین وزارت خارجہ اسہ بیان ئسیٹ سفارتی جیڑہ نا پاش وڑ ئٹ ذکر کننگ آن بیدس پارے کہ او کینیڈا ٹی ، سیاسی وڑ ئٹ قابل مذمت نفرت انگیز ڈوہ و ڈوہداری آ بےدادی ، نا سوب آن تینا شاری تا رکھ ئکن فکر مند ءِ۔
وزارت نا بیان ئٹ پاننگ آ کہ ، تڑیک خاص وڑ ئٹ انڈین سفارت کار و انڈین کمیونٹی نا دا بشخ آتے ٹک کریر ہرا انڈیا نا برخلاف کاریم نا مخالفت ءِ ۔
اندن انڈین شاری تے پنت کننگک کہ او کینیڈا نا او علاقہ و مننگ کروک ہند آتا سفر کننگ آن مر مریر ہراڑے دا وڑ ئنا تدینیک مریرہ ۔