بلوچستان نا ضلع کیچ آن پاکستانی لشکر چار بندغ دزگیر کننگ آن پد بیگواہ کرینے۔
بیگواہ کننگوک بندغ آتا چاہنداری بلیدہ نا ہندی پیر بخش نا مار نصرم، ولید حمید، نزیر اُمید و حنیف نا پن ئٹ مسنے۔
بیگواہ کننگوک بندغ آتا خاہوت آتا پاننگ ءِ کہ اگہ اوفتا بندغ آتے آجو کننگ متو تو او سخت برانز کرور۔
خیال ئٹ مرے کہ بیگواہ کننگوک نصرم ءِ داکان مُست ہم پاکستانی لشکر بیگواہ کریسس ہرا سینزدہ جون آ آجو مسس۔ و داسا دوارہ پاکستانی لشکر نا دو آن بیگواہ مسنے۔
پن کروک ورنا ئے دا وار آ خاہوت نا کنڈ آن تربت ئٹی تولوک برانز کننگ آن گڈ پاکستانی لشکر آجو کریسس، داسا اسہ وار پدا اودے دزگیر کرسا بیگواہ کننگانے۔