لیاری: فورسز نا بھلو کچ اس علاقہ ئٹ پُترینگ، شاری تا دزگیری بے سہب

کراچی نا بلوچ علاقہ لیاری ئٹ پاکستانی رینجرز نا بھلو کچ اس اُرا تیا چھاپہ خلنگ و ہندی مخلوق ءِ دزگیر کننگ کن علاقہ ئٹ استو پُترینگ نا کوشست کرینے۔

دا وخت آ ہندیک، ہرافتیٹی زالبولک اوار ئسر، مزاحمت کریسہ رینجرز آتے علاقہ غان کشار۔

تدینی نا برخلاف شاری تا پاری غان برانز کننگ نا کوشست کننگا گڑا رینجرز آک پین فورس خواہفیر و علاقہ ئٹ اندن ہندی تے برانز کننگ آن توننگانے۔

شاریک دوبہ خلکنو کہ ہڑدے فورسز آک علاقہ ئٹ پُترینگسہ ورنا تے دزگیر کننگ آن گڈ بیگواہ کیرہ پدا دروغ ءُ کیس خلیسہ دزگیری ءِ تا پاش کیرہ و داسا دا ہڑدے ناس جوڑ مریسہ ءِ۔