بلوچستان نا دریابی شار گوادر ٹی زوراکی ئٹ بیگواہ بندغ آتا آجوئی کن خاہوت و حق دو تحریک نا ڈپٹی کمشنر گوادر نا دفتر نا مونا برانز برجاء ۔
شابیتی احوال آتا ردئٹ خاہوت و حق دو تحریک نا گوادر آن پاکستانی فورسز نا دوتیان زوراکی ئٹ بیگواہ غا بندغ آتا رکھ ئکن و اوفتا آجوئی کن گوادر ٹی ڈپٹی کمشنر نا دفتر نا مونا دا وخت برانز برجاء ءِ ۔
برانز ٹی بیگواہ بندغ آتا خاہوت آک و حق دو تحریک نا چیئرمین حسین واڈیلہ و باسک آک ہم ساڑی ءُ ۔
برانز نا خواست آتیٹ بیگواہ بندغ آتے زوت ئٹ آجو کرفنگ و اوفتا خاہوت ءِ انصاف تننگے ۔
حق دو تحریک نا پاننگ ءِ کہ برانز ہمو وخت اسکان برجاء مرو اسکان کہ اوفتا خواست آتے ارفنگتنے ۔
یات مرے کہ تدوکا دے گوادر نا علاقہ کلدان ٹی پاکستانی فورسز چھاپہ خلیسہ مسہ ورنا وسیم بلوچ ولد لال جان ، وحید ولد مراد و اسہ پین بندغ ئسے دزگیر کریسہ نا درست ہند ئسے آ دریسر ۔
ایلو پارہ غا 24 اگست آ تربت آن عثمان مقبول ءِ پاکستانی فورسز دزگیر کننگ آن گڈ بیگواہ کرینے ۔
یاتی مرے کہ عثمان مقبول داکان مالو 2019 ٹی ہم زوراکی ئٹ بیگواہی تا گواچی مسونے و 2021 ٹی آجو کننگاسس ۔ خاہوت اسہ وار پین کوالخواہ نا بھلا تیان خواست کیک کہ عثمان مقبول ءِ آجو کننگے ۔